85. De sancta Ursula.

In 1. Vesperis.

R. O praeclarae margaritae,
In supremo poli sitae,
Eegi vitae iam unitae,
Nobis piae subvenite
Virgines,
V. O domnae gratae,

sponsae Domino sociatae,
Luce coronatae,

caelesti sede locatae.

Ad Magnificat.

A. Sponsus pulcher prae omnibus,
Rex et sponsus virginum,
Candidatis virginibus,
Purpureis per gladium,
Suum iunxit conubium,
Caeli iungendo civibus
Per passionis bravium
Super astris invexit.

Ad Matutinum.
Invitatorium.

Exsultent omnes hodie
Collaudando Dominum,

Qui summae stola gloriae
Coetum sacratum virginum
Decoravit eximie.

In 1. Nocturno.
Antiphonae.

1. Diversis mundi partibus
Virgines quaeruntur,
Virginis aspectibus
Ursulae traduntur
Imbuendae.
2. Undenis milibus

Coetus consecratur,
In Dei legibus
Semper meditatur.

3. Spectaculum pulcherrimum
Turbae speculantur,
Coetum quod sanctissimum
Valde venerantur.
4. Ursula, virgo regia,
Moribus ornata,
Vera docta scientia
Verbi sparsit sata.

5. Mens earum dedita
Laudibus divinis,
Legi Dei subdita
Non terrentur minis.

Eesponsoria.

1. Virgo sancta pollicetur
Assentire nec veretur

Eegi se copulari,
Si virginum coetus detur,
In quo crimen non habetur
Nec potest notari,
In consensu pari;
V. Virgineus coetus

adducitur undique laetus.
2. Munditia castitatis
Glutinoque caritatis

Conglutinantur virgines
Verae luci claritatis
V. Formaque sanctarum

monstrat bona virtus earum.
3. Elegit Deus nova bella,
Contra mundi principem
Pugnavit aetas tenella,

Vitam ducens caelibem
Cum puellis et puella
In hunc mundi tramitem.
V. Mundum spreverunt

et gaudia caelica quaerunt,
Sexum vicerunt

quia fortes mente fuerunt.
4. Inter sanctas speciosa
Fuit nomine Pinnosa,
Virgo flagrans velut rosa
Et inter mundi spinosa
Odorem fudit fragrantem,
V. Instruit haec mentes

sociarum recta sequentes.

In 2. Nocturno.
Antiphonae.

1. Exercitus virginum

Fortiter pugnantes
Ducem habent Dominum,

Ipsum imitantes
Sursum levant animum

Sursum contemplantes.

2. Amant Christum, mundum istum
Prorsus spernunt, quia cernunt

Penitus
Esse vanum et profanum,
Caelum quaerunt, mente gerunt

Dona sancti spiritus.

3. Mira Dei potentia,
Quae per mundi debilia
Mundi vicit fortia.

4. Naves scandunt, ore pandunt
Laudem creatori,
Inter undas maris mundas
Preces dicunt, benedicunt
Omnium rectori.

5. Gaude, mater ecclesia,
Oportet te gaudere,
Ad caelorum gaudia
Virgines pervenere.

6. Gaudent in caelis virgines

Sociatae,
Quae Christi vestigia

Imitatae
Ardenter pro eius amore
Sanguinem suum fuderunt
Ideo cum Christo regnare

Meruerunt.

Eesponsoria.

1. Rex Hunnorum impius
Virgines trucidavit.
Quas virginis filius
In caelo coronavit,

V. Christus dilectas,

virtutum culmine teetas.

2. Gaudet chorus caelestium
Consortio sanctarum,
In capite gestantium

Diadema praeclarum,
Quibus non deest lilium
Nec purpura rosarum,
V. Angelico more

fulgent ingenti decore.
3. Erubescite barbati,
Vitiorum ense strati,
Nam virginum candidati
Exercitus pugnaverunt
Et palmam promeruerunt ;
V. Pectore sub fragili

certarunt corde virili.

4. Fulget dies laetitiae,
Virginum chorus hodie

De mundo triumphavit,
Quem super thronum gloriae
Totius rex iustitiae

Christus exaltavit,
V. Virgineus coetus,

divino robore fretus,
Coetibus angelicis

propriis sociatus amicis.

In 3. Nocturno.
Ad Cantica.

A. Descendit sponsus in hortum
Virginalium cohortum,
Aromata messuit
Ipsaque reposuit
In horreo caelesti.

Responsoria.

1. Per sexum femineum
Pectus frangens ferreum

Daemon viro dominatur,
Item per virgineum
Exercitum niveum

Iam omnino conculcatur.
V. Constanter, Christe,

moriens exercitus iste
Pro te certavit

nec te moriendo negavit.

2. Te, Christe, laudent omnia,
Qui solus mirabilia

Non cessas operari,
Tu membra virginalia,
Non ense, sed constantia

Docuisti bellari,
Has facis morte praevia
Ad caelorum palatia

Tecum sublimari ;
V. Te dilexerunt,

te semper concupierunt,
Hasque tibi soli

iungis in arce poli.
3. O praeclarum cor sanctarum

Dignumque laudari,
Beatarum coetus harum

Indoctus bellari
Hostis trucis signo crucis

Caput amputavit,
Quas honore et decore

Christus coronavit ;
V. Magnum tormentum

patiuntur more bidentum,
Murmure nec resonat

gladioque corpora donat.

4. Virginali sanguine

Tellus irrigatur,
Animarum lumine

Polus illustratur ;
O praeclarae domina e,

Vos mundus precatur,
Ut vestro munimine

Christus amplectatur,
Sancto quarum agmine

Colonia laetatur.
V. Vestris magnificis

meritis, petimus, relevari,
Coetibus angelicis

meruistis quae sociari.

In Laudibus.
Super Psalmos.

A. O certamen, o luctamen
Beatarum feminarum,
Mundum vincunt, quia linquunt

Vivunt vita concupita
In aeternum.

Ad Benedictus.

A. Hodierna laetitia

Mundus illustratur,
Qua caelestis curia

Valde iucundatur.
Virginitatis lilia

Sponsus amplexatur,
Nuptiarum convivia
Celebrat nunc ecclesia,

Thalamus locatur,
Sponsus decorus gloria,
Sponsus daturus praemia

Sponsis sociatur.

Per Horas.
Ad Primam.

A. Increpans ventos et mare,
Qui gubernat omnia,
Non desistit gubernare
Sanctas inter maria.

Ad Tertiam.

A. Per passionis gladium
Vocat Christus ad bravium
Electas bellatrices,

Quas suum per auxilium
Fecit esse victrices.

Ad Sextam.

A. Pius coetus et quietus
Virginum
Romam tendit, quo rependit
Laudem luci luminum.

Ad Nonam.

A. Per mortem duram
Vitam securam
Possident semper mansuram.

In 2. Vesperis.

Ad Magnificat.

A. Exsultet virginum chorus,
Assumptus in gloria,
Quibus est vultus decorus,

Luce splendens nimia,
Immaculatusque thorus,

Speciali gratia
Christo iunctus in patria
In aeternum.