Congregatio de Causis Sanctorum 209

VENETIARUM

Beatificationis et Canonizationis Servae Dei Olgae a Matre Dei (in saeculo: Olgae

Gugelmo) Sororis Professae Congregationis Filiarum Ecclesiae (1910-1943)

DECRETUM SUPER VIRTUTIBUS

« Intime communionis vitam cum Domino nostro vivendo, desiderium

animadvertitur aliis de Eo loquendi, necnon membrum vivum essendi eius

Corporis Mystici quod est Ecclesia ».

Haec verba, a Serva Dei Olga a Matre Dei (in saeculo: Olga Maria Fortu-

nata Gugelmo) scripta, eius spirituale iter designant altamque adhaesionem

proposito Domini quoad Ecclesiam et mundum.

Serva Dei in Pojana Maggiore, provinciae et dioecesis Vicentinae, die

10 mensis Maii anno 1910 est orta. Quamvis dolores eius vitam designarent

iam a sexto vitae anno, quandoquidem pater eius Antonius mortuus est, in

primo bello mundiali occisus, tamen veluti puella simplex et laeta crevit.

Ab adulescentia frequentatione assidua eminuit paroeciae, teneritate erga

pauperes et magnanimitate. Iuvit matrem, Candidam Andretto, institutri-

cem elementariam in pago, cum tres fratres curaret atque curricula optimo

cum provectu apud Institutum Sancti Benedicti in Montagnana (Patavii)

frequentaret.

Dudeviginti annos nata diploma magistrae est consecuta. Illo tempore

clarissime attractionem ad vitam consecratam animadvertit, sed vocationem

suam ob iuvamen, quod matri dare voluit, sequi non potuit. Vitam institu-

tricis igitur coepit atque eodem tempore operam catechesi tradendae dedit

multis adulescentibus qui longe a paroecia exstabant, potissimum catechesim

parvulorum curans. De aegrotantibus et pauperibus etiam sollicita erat atque

veluti fervens animatrix in Iuventutem Femininam Actionis Catholicae est

ingressa. Ab anno 1933 magistra fuit amata atque in pago nativo aestima-

ta, in quo fortius suum ministerium catechistae reddidit atque animatricis,

liturgicam promovens vitam, spirituales exercitationes, eucharisticam ado-

rationem, erga Virginem Mariam devotionem. Diligentem operam usque

dedit egentibus et aegrotantibus atque UNITALSI adhaesit.

Interdum Serva Dei de sorore Canossiana Maria Oliva Bonaldo audivit

eiusque proposito fundationis Filiarum Ecclesiae, quod statim congruum

propriis agnovit desideriis. In occursu ergo cum illa mense Augusto anno