MOLINEN. 91

Ex praemissis colligit Consultor theologus sustinendam esse sententiam Curiae molinensis, et supplicandum SSmo. pro dispensatione matrimonii rati et non consummati An- gelae Druelle.

VOTUM CANONISTAE. Antequam disquisitionem aggrediar, ait consultor, tria necessario sunt praemittenda in themate: duo circa extrinsecum causae meritum, et unum circa intrin- secum. Igitur a) Tabulae processuales ex parte viri omnino desunt in Actis. Hic ut in iudicium conveniret sive a proprio Parocho, sive a matrimonialis vinculi Vindice apud Curiam molin^n. bis et bis extraiudicialiter adhortatus, et deinde bis iudicialiter per vadimonia petitus, coram Iudice ecclesiastico contumaciter perstitit, et ne testes quidem designare voluit, qui contra actricis relata et allegata deponere valerent. Sed hoc, ut probe noscitur, haud officit actrici: non enim uxor te- netur pro marito 1 et 3, C. nec uxor pro marito; neque officit causae, ita ut ob contumaciam huius impediatur Iudex, quominus sententiam definitive ferat c. Quoniam 5, de lite non contest.

b) Plura occurrunt in actis, quae minus accurate sole- mnitatum formam praeseferunt, ita ut potius quamdam ver- balis, et non processus speciem exprimant, praeterquod etiam quae authentiam firmant desiderantur; ut e. g. datum diei et anni singulis excussionibus, una dempta; sigillum Curiae etc. quae quidem de facto et consuetudine possent acta uti infecta vitiare Schmalzgrueber /. cit. t. 2, tit. 22, n. 15, Bouix De iudiciis tom. 1, p. 1, c. 3, q. 2. Neque circa interrogationes res in liquido versatur, non enim ita plene et enucleate, sunt sive proposita, sive excussa, ut absolu- tam accuratamque factorum notionem haurire sinant, et ut expedite et ordinate procedatur ad quaestionis solutionem at- tingendam.

c) Denique tum actrix, tum patronus eius causae in pri- ma instantia propugnant coactionem moralem ex timore re- verentiali obortam, ut pro nullitate matrimonii concludant. Non est dubium, praeter depositiones ipsius ^actricis eiusque