Congregatio de Causis Sanctorum 211

Patri, vitam pro Ecclesia offerens et pro mundo. Mestraci in Dominica Pas-

sionis die 11 mensis Aprilis anno 1943 pie in Domino obdormivit, « humilis

corde veluti parva Teresia », promittens, sicut ea, suum caelum transigere

bonum super terram faciendo.

Inspecta fama sanctitatis apud Curiam Patriarchalem Venetiarum Pro-

cessus Ordinarius a die 11 mensis Aprilis anni 1956 ad diem 3 mensis

Martii anni 1960 est celebratus, cum Processu Rogatoriali apud Curiam

Episcopalem Esclanam a die 18 mensis Februarii ad diem 19 mensis Octo-

bris anni 1957. Quos secuti sunt tres alii processus: apud Curiam Patriar-

chalem Venetiarum (1979-1984), apud Curiam dioecesanam Esclanam (1980)

atque apud Vicariatum Romae (1979-1981). Decretum iuridicae validitatis

omnium illorum processuum hac a Congregatione de Causis Sanctorum die

18 mensis Iulii anno 1986 est promulgatum. Parata Positione, disceptatum

est, iuxta suetas normas, an Serva Dei virtutes heroico modo exercuisset.

Peculiaris Consultorum Theologorum Congressus die 17 mensis Ianuarii

anno 2012, positivo cum exitu, habitus est. Patres Cardinales et Episcopi

in Sessione Ordinaria die 15 mensis Octobris anno 2013 congregati, me,

Angelo Cardinale Amato, moderante, edixerunt Servam Dei heroico modo

virtutes theologales, cardinales iisque adnexas excoluisse.

Facta demum de hisce omnibus rebus Summo Pontifici Francisco per

me, subscriptum Cardinalem Praefectum, accurata relatione, Sanctitas Sua,

vota Congregationis de Causis Sanctorum excipiens rataque habens, hodie

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Olgae

Gugelmo a Matre Dei, Religiosae Professae Congregationis Filiarum Ecclesiae,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 31 mensis Octobris a.D. 2013.

angeluS card. amato, S.D.B. Praefectus

L. G S.

G marCelluS BartoluCCi

Archiep. tit. Mevaniensis, a Secretis