216 Acta Apostolicae Sedis - Commentarium Officiale

IASENSIS

Beatificationis seu Declarationis Martyrii Servi Dei Antonii Durcovici Episcopi Iasensis († 1951)

DECRETUM SUPER MARTYRIO

« Beatus populus, cuius Dominus Deus eius » ( Ps 143, 15).

Psalmistae verba merito rationem vitae sacerdotalis episcopalisque Servi

Dei Antonii Durcovici constituunt: supremus eius vitae Pastor Dominus fuit

qui crucifixus a mortuis resurrexit et quem in via Calvarii secutus est ad

lucem Paschatis.

Servus Dei natus est die 17 mensis Maii anno 1888 in loco v.d. Bad

Deutsch-Altenburg in Austria. Ad fontem baptismalem paucos post dies

adductus, primam infantiam in sua modicae conditionis familia peregit.

Praematura patris morte, familia Durcovici in statu extremae indigentiae

seipsam vidit. Iuvenis adhuc et vidua Maria cum duobus filiis suis, Francisco

et Antonio, in urbem Iassiorum, caput Moldaviae principatus in Romania,

se transtulit; aliquot autem annis peractis, omnes Bucarestiensem civita-

tem in domum cuiusdam amitae se contulerunt. Antonius inde curriculum

studiorum iam inchoatum prosequi potuit et lectiones in instituto Fratrum

Scholarum Christianarum audivit. Signis vocationis ad sacerdotium per-

ceptis, Antonius admissus est in Seminario Bucarestiensi ibique disciplinas

gymnasii egregie perfecit.

Philosophiae postea ac theologiae cursus in Universitatibus ecclesiasticis

in Urbe prosecutus est. Doctoris titulo in Theologia consecuto, presbyter

die 24 mensis Septembris anno 1910 ordinatus est.

Reversus in dioecesim, varia adimplevit officia: praeceptoris religionis

in gymnasio, parochi deinde ecclesiae Cathedralis canonici, rectoris semi-

narii. Huic educationis muneri quam maxime semetipsum vovit ab anno

1924 usque in diem annuntiationis episcopalis ad sedem dioecesis Iasensis.

Ordinationem autem episcopalem accepit in ecclesia cathedrali Bucarestiensi

Sancto Ioseph dicata, die 5 mensis Aprilis anno 1948. Brevissimum fuit in

sua dioecesi Iasensi ministerium episcopale, potuit tamen hoc tempore visi-

tationes canonicas in variis paroeciis adimplere fideles indefesse exhortans

ad perseverandum in fide. Intellexerunt fideles eorum episcopum a Deo

missum fuisse pastorem ut eos per tempora nubila pasceret persecutionis.