Congregatio de Causis Sanctorum 217

Domestica rei publicae gerendae ratio gravior gradatim facta est, cum,

in Romania, post bellicae conflagrationis eventus, durum comunismi regi-

men constitutum fuerat omnem religionis formam et praesertim Catholicam

Ecclesiam abhorrens. Rebus terribilibus sic stantibus, Servus Dei a Sancta

Sede officium accepit Administratoris Apostolici Archidioecesis Bucares-

tiensis. Inter aliquot graves casus, ipse maximae prudentiae sensum atque

iusti ponderis in presbyteris ac christifidelibus consiliandis praebuit evitans

quin isti auctoritates regiminis nimis provocarent.

Anno 1949 persecutio adversus fideles catholicos apicem assumpsit. Hac

in re, episcopus animi audaciam intra se invenit ac vocem levavit magnam

et actiones regiminis discriminatorias condemnavit. Die 26 mensis Iunii,

Servus Dei in intinere captus est dum in paroeciam Popeşti-Leordeni se

gerebat ut sacramentum confirmationis administraret.

In carcere ministerii ab internis negotiis et in illo valde metuendo Jilava

multa passus est tormenta, convicia et opprobria. Haec viae crucis statio

fuit prima cui non minus atroces aliae secutae sunt usque ad illam quae

est in Sighet. Hic adductus est die 10 mensis Septembris anno 1951 ubi iam

alii episcopi clausi fuerant. Servus Dei, in cella solitaria segregatus, quasi

nudus, carens cibo necessario, minimumque aëris et lucis habens, obiectum

iniuriarum et contumeliarum factus necnon inhumanae violentiae, ita ut

videbatur vermis et non homo. Per tres autem restitit menses: nam die

10 mensis Decembris anno 1951 obiit. Iam in agone, ultima eius spiratio

vera adimpletio fuit illius rationis pastoralis « consummatum est » quam in

Domini Iesu communione pronuntiavit. In coemeterio Ruthenorum clam

sepultus est. Hoc autem totum factum est propter rationem unam eo quod

fidelis et episcopus erat.

Plane sibi conscius erat fidem statumque suum episcopalem rationes

plus quam sufficientes offerre ad mortem subeundam. Nunquam tamen in

eo Christi amor et fidelitas erga Ecclesiam prae angustiis defecerunt.

Episcopus Antonius Durcovici verus Christi martyr recognitus est: hoc

plene patet ex testimoniis eorum qui eum cognoverunt et fama eius in

dies crevit ac diffusa est. Propter hanc famam apud Curiam episcopalem

Iasensem a die 25 mensis Martii anno 1997 usque ad diem 11 mensis Iunii

anno 1999 instructa est Inquisitio dioecesana cuius validitas iuridica ab hac

Congregatione de Causis Sanctorum Decreto die 29 octobris 2010 recog-

nita est. Die autem 28 mensis Februarii anno 2013 Congressus peculiaris