96. De s. Amato Nuscano Episc.
In 1. Vesperis.

1. Christe, serena gloria, superna
Virtus, amoena vita, lux aeterna,
Suscipe vota, tibi nempe nota,
Conditor alme.

2. Solvimus ora decus ad eorum
Voce sonora, gloria sanctorum,
Qui te tulerunt, per te perceperunt
Gaudia palinae.

3. Numero quorum rutilat Amatus
Aucto, bonorum caelitus afflatus,
Cuius in festo, Christe, nobis esto
Pacis amator.

4. Hic aquae potum Domini vigore
Vino permotum optimo sapore
Dum fabricatur, mansio testatur
Virginis almae.

5. Annuo claudum gressu religatum
Caelica virtus solvit in Amatum,
Tempore bino operi divino
Hic famulatur.

6. Carcere nexus erat ut coraula,
Ille confessus hostium ab aula
Venit ligatus; fecit hoc Amatus,
Nusci patronus.

7. Organa vocis erant uni clausa,
Sanctum adivit et pro tali causa;
Sed reformavit verba, quae rogavit,
Sanctus Amatus.

8. Templa divina matri salvatoris
Instruit bina ope creatoris
Prope Lacenum flumen et amoenum
Iuxta Caloris.

9. Plura praedictis mirabiliora
Factis et dictis horum et maiora
Signa pro certo sanctus in aperto
Mundo patravit.

10. Laus trinitati gloria sollemnis
Sit deitati unicae perennis