Congregatio de Causis Sanctorum 219

BONONIENSIS

Beatificationis et Canonizationis Servae Dei Ursulae Mezzini Religiosae professae

et Superiorissae Generalis Congregationis Sororum Parvae Mlssionis Pro Surdis

Mutisque (1853-1919)

DECRETUM SUPER VIRTUTIBUS

« Cor mei Iesu, hodie in Eucharistia, quam suscepi, docuisti non esse

pacem hac in vita sine absoluta traditione in manibus tuis, hac re, ab hinc

me omnino devoveo in sacrificium pro tua amoris voluntate ».

His verbis, ex memoriali libello Servae Dei Ursulae Mezzini excerptis,

prima Sancta Missa in instituto Romano celebrata, facile intelligitur illius

summa et amoris plena in Deum deditio, quam illa in vita et in operis suis

erga fratres pauperiores professa est.

Serva Dei die 12 mensis Decembris anno 1853 in montano pago v.d.

Campeggio di Monghidoro, Bononiensi in provincia, nata et sacro fonte lus-

trata est. Tertia natu fuit e Francisci et Clementinae Lorenzi matrimonio,

quae autem, secundo vix anno aetatis puellula exigente, cholera mortua

est. Pater autem Flaviam Lamieri uxorem duxit et familiam anno 1857

Bononiam transtulit, ibidem institutionem filiae praebere potuit secundum

illius temporis consuetudines, scilicet muliebribus in artibus discendis, iuxta

scholam a sororibus comitissis Ranuzzi, quae iam surdis mutisque valde

operam dederunt, fundatam ad iuvenes puellas populi instituendas. In his

temporum et locorum condicionibus Ursula Dominum Caesarem Gualandi

cognovit, qui postea illi spiritualis moderator summi momenti fuit et qui

eam novo in Instituto, a sacerdote fundato, recepit.

Expleta institutione, vicesimo primo anno aetatis agente, Serva Dei ince-

pit interesse Operi fratrum Gualandi, quae nuncupabatur « Parvae Missionis

pro Surdis Mutisque » , iure canonico in dioecesi instituta. Ursulae ingressus

muliebris partis illius operis initium fecit.

Serva Dei, iam ascetico regimine probata et vehementi fide fulta, die

25 mensis Martii anno 1877 votum perfectae castitatis et die 8 mensis De-

cembris anno 1878 votum deditionis ad operam pro surdis mutisque emisit.

Post duos annos iure facta est Magistra et Moderatrix muliebris partis

illius Operis, postea et Generalis Antistita electa est, summa auctoritate