MOLINEN. 101

quatenus scilicet ipse sciat se eam concupisse, et obreptitiam sic dispensationem obtineat.

Sed in casu necessitatem balnéi in exploratione puellae maximum assequitur pondus, ob Caroli effraenatam vene- rem unde semper de ingenua uxore abusus est, qua stante, impossibile dixerim quin aliquando commixtio non interces- serit. Certe hic opus hic labor est inveniendi aliquem qui, ut ait Conscius De separ. tor. coniug. I. 3, c. 2, n. 261 « absque ulla amaritudine statim illis credere possit hoc fe- cisse miraculum, » scilicet non consummandi ! Et sane Ca- rolus qui non alium finem , nisi ad explendam libidinem contraxerat, inter aestus iuventae, fortiter potens, sub te- nebris, non per unam aut alteram noctem, sed per maritale decubitum septem mensium, tanta sibi licita arrogans quan- ta liberent, solus cum sola puella 18 annis et haec candi- da ingenuitate pollens, pulcritudine nimium decora et nun- quam petitionibus viri renuens, etiam dum hic insolenti il- lecebra debaccharetur, impossibile inquam est credere, quod in naturali situ coniunctionis numquam ex delirio vehemens excurrerit, quin etiam miserrima Angela pudore et impetu concidens minus plane animadverteret.

Equidem prorsus EE . P P . ex his adminiculis, conie- cturis, praesumptionibus etc., coniunctim et rigorose in casu ponderandis, prudenter dubitandum venit probabilitate tam iuris quam facti matrimonium hoc utique fuisse consumma- tum, idque minime obstante iuramenti actricis veritate pro inconsummatione delati. Quod si Rota in Romana nullita- tis matr. 19 Iun. 1651 coram Arguilles retinuit consum- mationem, quia de ea ex concubitu in uno eodemque lecto « non coniectura fortasse, neque praesumptio, sed PLENA PROBATIO esse possit, » quid quaeso videtur decidendum in nostra factispecie?

Quapropter iterum iterumque insistam super necessitate balnei in inspectione Angelae: unicum quippe videtur hoc adesse remedium , sive cautela ad dubium omne e medio tollendum circa eius integritatem. Sola inspectio sine huius