220 Acta Apostolicae Sedis - Commentarium Officiale

caritatem effundens, quae eam semper ad pauperiores et inermes auxilian-

dos impellebat. Die 11 mensis Iulii anno 1884 heroice se ad Deum Patrem

omnino devovit.

Hoc viginti annorum tempore, fundator eam ad novas domus Romam

(1884), Florentiam (1885), Castrum Novum (1903) confirmandas misit et

ad Genuensem Congressum Nationalem Surdorum Mutorumque anno 1892

eidemque mandavit, negativo cum exitu, ut Congregationem cum Veronensi

Societate Mariae coniungere temptaret. Omnia munera illa semper explevit

summa cum prudentia, iustitia, lenitate, aequo animo et magnanimitate,

quae eius naturae consentaneae erant. In corde Servae Dei magis augeba-

tur desiderium Unius Dei, cui se omnino devoverat, sicut ait et sententia

ipsius Congregationis et quod Mater Ursula suis in scriptis anteponebat.

Ferventissima eius spiritualis vita fuit constanti in Dei voluntatis studio

et vehementi humilitatis et ministerii sensu. Fuit mulier fortis ac simplex,

animosa ac secreta, dulcis ac valida, mater ac soror multarum iuvenum,

quae corporis impedimentis laborabant; magna caritate ducta et animata,

quae naturaliter in omnes, qui eam agnoscebant, effundebatur. Maxime e

cotidiano Eucharistico sacrificio Ursula corroborabatur ad difficultates ac

labores difficilis Apostolatus ministerii sustinendos. Illius castitas spiritualia

materna gaudia genuit et oboedientia fecunditatem peperit denique eius

paupertas omnibus hominibus fuit verarum divitiarum amplificatio.

Contemplationis vita ab ea maxime desideratur et, hac re, bis suum

munus Antistitae Generalis et praesentia in Consilio Administrationis Ope-

rae Piae Instituti Gualandi deponere temptavit sed perpetua docilitate,

secundum animi moderatorum consilia, Dei voluntati se subiecit.

Post Fundatoris obitum Servi Dei Iosephi Gualandi, Mater Ursula neces-

sarium auxilium et operis socia successoribus evenit, eo ut duos annos post

definitive Bononiam rediretur. Anno 1913 valde gavisa est Decreto Laudis,

quod ab Apostolica Sede Parvae Missionis pro Surdis Mutisque concessum

est. Die 29 mensis Ianuarii anno 1919 cerebrali ictu vulnerata est. Religiosis

munimentis die 23 mensis Martii anno 1919 animam liquit, magno populi

concursu, qui eius Sanctitatis famam significabat.

Fama ista sanctitatis, iuxta Curiam Archiepiscopalem Bononiensem Pro-

cessus Informativus e die 24 mensis Ianuarii anno 1993 ad diem 11 mensis

Iunii anno 1995 celebratus est, cuius iuridica validitas ab hac Congregatione

de Causis Sanctorum per Decretum diei 11 mensis Decembris anno 1995 est