222 Acta Apostolicae Sedis - Commentarium Officiale

TRICHURIENSIS

Canonizationis Beatae Euphrasiae a Sacratissimo Corde (in saeculo: Rosae Eluva-

thingal) Sororis Professae e Congregatione Sororum a Monte Carmelo (1877-1952)

DECRETUM SUPER MIRACULO

Beata Euphrasia a Sacratissimo Corde die 17 mensis Octobris anno

1877 in vico vulgo Kattoor nuncupato in finibus Keralae in India nata

est. Ad baptismalem fontem Rosae nomen ei impositum est. Adulescentia

ineunte, virginitatem suam Deo consecravit ac dein communitatem Instituti

Sororum Matris a Monte Carmelo a beato Cyriaco Elia Chavara una cum

patre Leopoldo Beccaro fundati ingressa est, apud quam habitum religionis

induit et, die 24 mensis Maii anno 1900, vota perpetua professa est. Ora-

tionis exinde contemplationisque peculiarem adeo penitus vixit spiritum, ut

«Matris Orantis», «Sanctae Sororis Familiae» et immo «Tabernaculi Errantis»

mereretur cognomina. Primae Magistrae novitiarum Congregationis fungens

officio, Soror Euphrasia pro Sororibus instituendis summopere enisa est ac

deinceps, cum Superiorissae Conventus Mariae Sanctissimae in civitate vulgo

Ollur dicati exerceret munera, singularem infirmorum egenorumque exhibuit

sollicitudinem. Summa cum perseverantia Beata, quae verbo docuit, opere

semper perfecit et, austeram et sanctam ducens conversa tionem, Sororibus

christifidelibusque et universo populo exemplar fuit et speculum effulgens.

Septuaginta et quinque annos nata, omnibus praedita virtutibus atque mira

erga Sacratissimum Cor Iesu et Beatam Mariam Virginem pietate suffulta,

die 29 mensis Augusti anno 1952, Deo spiritum reddidit. Summus Ponti-

fex Benedictus XVI die 3 mensis Decembris anno 2006 eam in nume rum

Beatorum rettulit.

Canonizationis respectu, Causae Postulatio iudicio huius Con gregationis

de Causis Sanctorum assertam subiecit miram Beatae intercessioni tribu-

tam sanationem pueri sex annorum a tumore ductus thyroidis et glossidis,

quae in finibus Keralae in India occurrit. Nam, pupillus, qui cystim e gula

prominentem ostendebat permagnam, cibum difficiliter ore haurire poterat

et, tussis ictibus aspere laboratus, pravos anomolosque emittebat singultus

ac fluida tantum insumere valebat alimenta. Tuber e gutture proiectum,

quod, iuxta medici descriptionem, magni quasi citrei forinsecum pande-