108 MOLINEN.

Novi coniuges eodem tecto et thalamo usi sunt usque ad insequentem Septembrem, quo labente Angela, consen- tiente Carolo, paternam domum petiit. Die vero 15 Decem- bris eiusdem anni ad maritales lares remeavit, quos postri- die reliquit non amplius reversura.

Huiusmodi matrimonium Angela opere imperfectum pro- clamat. Ast quod asserit, ad iuris amussim minime demon- strat. Porro res est de coniugibus aetate florentibus, qui per septem menses condormierunt, quacunque impotentiae sive absolutae sive relativae dubietate cessante.

Quapropter ad elidendam gravissimam matrimonii con- summati coniecturam argumenta prorsus ineluctabilia requi- runtur. Quem ad censum haud spectant argumenta ab An- gela in medium allata.

Quae quidem argumenta aequa lance pensât optimus consultor canonista, et ad dubium : An constet matrimonium in themate mansisse ratum dumtaxat et non fuisse con- summatum? consultissime respondit: Dilata et coadiuven- tur probationes circa integritatem mulieris.

Ego autem, ne videar actum agere tantum, dicam ab ob- stetricibus factum fuisse specimen in corpore Angelae abs- que balneo.

Huic-fere similis est corporis exploratio, quam ad pe- titionem ipsius Angelae die 13 Augusti 1883 peregerunt medici Iacobus Nicolas et Prosper Willemin. Balneo nec isti medici, nec antedictae obstetrices ante corporis recognitio- nem Angelam supposuerunt.

Heic quaeram , si in honore habentur ac ad probandam virginalem mulieris integritatem inspectiones tanta levitate absolutae sufficiunt, tota errant via medicae artis proceres tum moderni, cum antiqui, qui corporis explorationi prae- mitti volunt balneum tepentis aquae; qui hymenis existen- tia contenti minime sunt, sed praeterea ad multiplicia alia, sive incorrupti sive violati claustri virginalis signa atten- dendum esse censent; atque ad colorem et duritiem nedum partium genitalium verum etiam totius corporis.