116

O R T O N . E N .

BINATIONIS

Die 29 Martii 1880. Per summaria precum.

COMPENDIUM FACTI. Sodalitas SSmi Sacramenti erecta in ecclesia S. Crucis loci Tollo, sacerdote caret, qui in ea ecclesia diebus festis, post divini officii recitationem, coram confratribus missam celebret, quum Sacerdotes illius loci de- beant onera implere propria erga Ecclesiam paroecialem. Non possunt autem sodales, utpote mediis destituti, sacer- dotem e longinquo vocare qui sacrum in dicto oratorio offe- rat; quapropter humiliter postulant ut parocho loci Tollo, qui et moderator pii sodalitii est, facultas fiat secundam missam pro confratribus in ecclesia S. Crucis celebrandi.

Archiepiscopus administrator Dioecesis ortonensis ad rem rogatus haec respondit : « Circa adiunctas preces repo- nendum censeo, vera esse omnia supplici in libello exposita et ad tramites Const. Benedicti XIV s. m. Declarasti No- bis adesse saltem in casu proposito aequipollentes circum- stantias, si non easdem, quas eadem ipsa requirit Constitu- tis. Eo vel magis quod ipsemet Archipresbyter fuerit a so- dalitate SSmi Sacramenti electus spiritualis eiusdem director qui tenetur propria in paroecia diebus Dominicis aliisque festis pro populo celebrare. Qua igitur de re preces ipsas clementiae Leonis P P . XIII pro postulata gratia enixe com- mendamus. »

Disceptatio Synoptica.

GRATIA INDULGENDA VIDETUR. E t revera pro concessione aliqua congruentiae et pietatis ratio militat: siquidem soda- les qui in suo oratorio seorsim a paroeciali ecclesia ad re- citationem divini officii congregantur, si nullus sacerdos per sacri celebrationem eis succurrat, in hac versarentur condi- tione, ut aut antea aut postea accurrere ad paroecialem ee-