115. De s. Arnulpho Suessionensi.

1. Pange, lingua, gloriosa
Confessorum gaudia,

Inter quos floret ut rosa
Arnulphus in gloria

Possidendo fructuosa
Meritorum praemia.

2. Militari armatura

Invenis hic utitur,
Saeculi relicta cura

Medardus expetitur,
Portans Christum mente pura,

Monachus efficitur.

3. Christo cupiens servire
Promptus ad obsequia
Et abbati oboedire
Servando silentia
Pura studet custodire
Mentis domicilia.

4. Fratribus hic abbas datus
Corrigit discrimina,

Piis mitis est et gratus,
Maestis dat solacia,

Sic devote adornatus
Praesulis est infula.

5. Iussa sibi adimplendo
Monitus per somnia

Discordantes paci dando
Praedicat in Flandria,

Abundanter seminando
Pietatis semina.

6. Praesuli associantur
Virtutum insignia:
Caeci vident, muti fantur,

Aegra sanat omnia,
Daemonesque effugantur
Per sua suffragia.

7. Hic a Petro visitatur
Mortis in confinio,

Angelorum hunc solatur
Copiosa legio,

Cum Maria presentatur
Virginalis contio.

8. Adoremus Christum regem,
Qui gubernat omnia,

Suum ut conservet gregem
Per Arnulphi merita,

Cuius hic servando legem
Meruit caelestia.

9. Collaudantes celebremus
Arnulphi sollemnia,

Nostri cordis illi demus
Et oris officia,

Ut cum illo conregnemus
In caelesti gloria.

10. Gloria et honor Deo
Usquequo altissimo

Una patri filioque
Inclito paraclito,

Cui Iaus est et potestas
Per aeterna saecula.