ACERNEN. 133

vero sodalitatem ss. Corporis Christi, haec, iuxta Bullam Exposcit Gregorii Papae X I I I , nequit sibi irrogare praece- dentiam super alias duas, quia hae ab immemorabili saccum detulerunt in sacris functionibus et processionibus; dum so- dalitas a SSmo Corpore Christi, paucis abhinc annis, coepit saccum induere, idest ex tempore quo sese redintegravit, postquam eumdem reliquerat per longissimum tempus. Soda- litas tamen a SSmo Corpore Christi ius habet praecedendi in processiones, quibus defertur ss. Sacramentum, quoties tamen eadem sese obliget interesse processionibus aliis, in quibus concedere debebit praecedentiam praefatis Sodalitiis.

Age vero, duae sodalitates SSmi Rosarii et s. Philippi Neri aequo animo novum huiusmodi decretum receperunt, et ad acquiescendum paratae erant. At non ita sodales a SSmo Sacramento; qui imo ad S. C. C. recursum habuerunt; dum eodem tempore Ordinarius rem quam citius definiri postulabat, eo vel magis quod interim pax restituta videbatur, et in supplicatione in die natali S S . Apostolorum Petri et Pauli fratres trium Sodalitatum numerosi adfuerunt et contenti loco, per decretum diei 10 aprilis cuique assignato.

Rescriptum itaque fuit Ponatur in folio et monitae sunt de more partes. At duae sodalitates ssmi Rosarii et s. Phi- lippi Neri statim ac cognoverunt litem a tertia confrater- nitate coram S. C. C. institutam esse, intra propositae con- troversiae terminos non se continuerunt, nec unice de prae- cedentia sibi contra sadalitium SSmi Sacramenti asserenda contentae fuerunt; sed maioris victoriae spe unaquaeque ad- iecta, sua iura experiri decrevit, et praecedentia prae aliis omnibus sibi vindicare unaquaeque praesumpsit. Latum autem fuit super his quoque precibus decretum Uniatur, et ideo in praesentiarum tres adstant actores singuli de maiori prae- cedentia contendentes.

Ast hac in re singulare hoc accidit, quod Sodalitas a SSmo Sacramento quae litem prima promoverat a peculiari patrono sibi eligendo abstinuit; dum aliae duae confraterni- tates oratorem sibi coram S. C. C. constituerunt.