134 ACERNEN.

Disceptatio Synoptica.

IURA SODALITII SSMI SACRAMENTI. SSmi Sacramenti con- fraternitas, praeter primum appellationis libellum, nil aliud in sui defensionem deduxit. In hoc autem enarrat, ex qua- dam bulla Pontificia die 9 Maii 1559 constare, in ecclesia s. Eustachii iam tum extitisse sodalitatem a SSmo Christi Corpore, quam deinde Paulus III S. Pontifex pluribus pri- vilegiis auxit. Paulo post a Procuratore generali P P . Prae- dicatorum bulla diei 22 Octobris 1576 in eadem ecclesia sodalitium a SSmo Rosario institutum quoque fuisse: ast brevi utrumque sodalitium in unum corpus conflatum esse, ceu constat ex bulla acernensis Episcopi diei 6 Octobris 1591 et ex litteris Cardinalis Fabrizi Signaturae papalis praefecti sub die 3 Iulii 1713. Huiusmodi autem sodalitium sic uni- tum sub duplici suo nomine extitisse usque ad finem elapsi saeculi, comprobant sodales ex duobus decretis a tribunali mixto Concordatario latis, in quibus decretis mentio fit de sodalitate a SSmo Sacramento et a SSmo Rosario erecta in paroeciali Ecclesia s. Eustachii. Haec decreta signantur diebus 3 Iulii 1766 et 7 Maii 1788. Admittunt deinde so- dales initio huius saeculi, ob passam bonorum confiscationem, sodalitatem sensim evanuisse ; at simul contendunt, quod, cum fuerit ex parochi et fidelium pietate inde ab anno 1881 restituta, in ius antiqui sodalitii quasi ex postliminio suc- cedere aut esse suffectam. Quin possit obiici praescriptio; nam, iuxta notissimum adagium, contra non valentem agere, praescriptio non currit.

Age vero, prosequuntur, ex constitutione Exposcit Gre- gorii XIII cautum est, ut inter sodalitates eae praecedant, quae prius saccis usae sunt : se autem prae aliis duahus- saccos induisse; nulla enim ex his originem saeculo XVI anteriorem praesumere potest : ergo concludunt, se debere praecedere.

Ita summatim sodales a SSmo Sacramento. Quae tamen quanti essent facienda remissum fuit iudicio E E . P P . defi-