A C E R N E N . 13S

nire. Licet enim quae de origine et evolutione antiqui so- dalitii a SSmo Sacramento et Rosario afferuntur vera unde- quaque essent; tamen contra novum aut restitutum SSmi Corporis Christi sodalitium plura militant. Siquidem in Dianen, Praecedentiae acta primum die 27 Martii 1886, ac secundo die 24 eiusdem anni (1) S. C. C. negativo responso dimisit quamdam sodalitatem a Rosario, quae semel extincta, dein restituta, ius praecedentiae praesumebat contra aliud sodalitium a Virgine Perdolente, tempore intermedio exortum.

Et merito quidem; nam. si societas aliqua extinguatur, nil amplius iuris retinere valet. Non entium enim nullae sunt qualitates, nec iure postliminii, aut cuiuslibet alterius rei frui non entia valent. In themate autem de absoluta sodalitii extinctione dubitari non potest; nam ipsi interesse habentes hoc prorsus admittunt. Et aliunde notum est, quod « societas solvitur ex personis, ex rebus, ex voluntate, ex actione: ideoque sive homines, sive res, sive voluntas, sive actio interierit, distrahi videtur societas. » L. Verum est 63, § 10 ff. Pro socio; cui concordant L. societatem 4 et L. Actione 65; ff. eod. tit. nec non Inst. De societ. § 4 seq. Atqui antiqua sodalitas a SSmo Christi Corpore nedum ex uno, sed ex omnibus simul his titulis soluta mansit.

Accedit quod nova sodalitas eadem undequaque non sur- rexit, ac antiqua, sed sin minus variato seu dimidiato nomine.

Demum principium, quod ex Const. Exposcit Gregorii XIII desumunt nostri sodales, non est praecisum. En sane quae Pontifex disposuit: « Decernimus quod quicumque ex.. . con- fratribus confraternitatum praedictarum, inter quos lites et causae praemissarum occasione, nempe ob praecedentiam, ortae iam sint, seu oriri contigerit in futurum, qui in quasi possessione praecedentiae ac iuris praecedendi sunt positi, quibuscumque reclamationibus... postpositis, in processionibus tam publicis quam privatis praecedere debeant. Quando vero non probetur, aut non constet de quasi possessione praece-

(1) Relata fuit Vol. XIX, 319,