138 ACERNEN.

gatio, ceu cum communi observat s. Ligorius De act. hum. n, 96: ac pariter lex, non acceptata a maiori et saniori parte populi, non obligat ratione taciti vel expressi consensus superioris, ceu idem s. Ligorius cit. I. n. 138 et Gury tom. 1 c. 4 n. 99 recte observant; nam quamvis etiam peccaverint priores legem non acceptantes, alii tamen culpa vacant ob praesumptum superioris consensum. » Ad effectum autem non acceptationis traditur sufficere decennium, « quo elapso, ait Ferraris v. Lex art. 2 n. 14, habet locum contra eam (legem) praescriptio, et non amplius obligat, sive sit lex civilis, sive canonica. » Cum vero in themate non decem, sed undeviginti anni lapsi dicantur sine legis observantia, hinc prorsus praescripta videtur.

Quod eo magis sustinendum contendit patronus in materia de qua agimus. Siquidem quoad praecedentiam cautum est, eos manutenendos esse, reclamationibus quibuslibet postpositis, qui in quasi possessione praecedendi sunt. Hoc sane decrevit Gregorius XIII cit. sup. Const. Exposcit, hoc omnes DD. retinent et confirmant. Atqui, pergit patronus, in themate hanc quasi possessionem favore sodalitii s. Philippi non deesse ex testimonio eorumdem oppidanorum comprobatur.

Demum vero primum locum eidem sodalitio ob id ma- xime vindicandum esse quia sodalitium s. Philippi erectum canonice fuit episcopali Bulla anni 1640 ad acta relata; dum, iuxta patronum, congregatio a Rosario mere laicalis est, et canonica erectione destituta.

IURA SODALITII A ROSARIO. Sodalitas a Rosario vicissim per suum procuratorem recolit, sex abhinc saeculis, nempe ab anno 1274, quo ipsa matrix et collegiata s. Petri ecclesia erigebatur, se originem ducere, ceu ex capituli regestis lu- culenter evincitur. Cui antiquissimae origini tribuendum est si canonicae erectionis instrumentum perierit. Ceterum ca- nonicam sodalitii fundationem per aequipollentia documenta adstrui et comprobari optime posse. Siquidem ex tabulario sodalitatis constat, die 5 Aprilis 1638 in matrice S. Petri ecclesia coram Episcopo Galbiato congregataci fuisse sodali-