138. De s. Bernardo Claraevallensi.

Ad Completorium.

1. Bernardus inclitis

Ortus natalibus,

Praeclarus meritis

Cum claris fratribus
Fugit in abditis
Paternis opibus

Spretis et mundi flosculo.

2. Latrator strenuus,
Sanctus ex utero,
Doctor praecipuus
Nectare supero,
Vigil, assiduus
Sub salutifero

Monstratur matri catulo.

3. Tardant vigiliae,

Dormit ad ostium ;
Mox venter Mariae

Producit filium ;
Laudis homeliae
Provocant studium ;

Dat puernummos clanculo.

4. Pulsante femina

" Latrones" clamitat,
Defixa lumina

Stagno praecipitat,
Abhorret carmina,
Laxum suppeditat,

Iactae cedit in lectulo.

5. Intrat Cistercium
Cum tricenario ;
Fratris conubium
Solvit religio;
Gerardus hostium
Perfossus gladio

Liber exit cum vinculo.

6. Iussu pontificis
Oboedit rustico,
Oleum calicis

Bibit pro thetico,
Stat in veridicis
Corde prophetico,
Rastrum coaequat annulo.

7. Scribit epistolam
In imbris medio,
Muscae parabolam
Aufert extinctio,
Feminam discolam,
Plenam daemonio,

Curat crucis signaculo.

8. Mariae cithara

Scripturas explicat,
Spoliat tartara,

Functos vivificat;
Necnon gens barbara
Hunc sanctum praedicat
Orc, stilo, miraculo.

9. Sit laus ingenito, Decus et gloria,
Ab unigenito Sit reis venia,
Nobis paraclito Praestante gaudia
In infinito saeculo.