140. De s. Bernardo Claraevallensi.

1. Effulsit lux eeclesiae
Claritatis eximiae,
Christi confessor inclitus,
Omni virtute praeditus.

2. Dux viae vitae praevius,
Mysteriorum praescius
Ducat nos per vitae viam
Ad supernorum regiam.

3. Hic praeclarus est Bernardus,
Cuius odor velut nardus,
Cuius dulci fraglantia
Refecta est ecclesia.

4. Hic organum conspicuum,
Eloquium mellifluum,
Per quem flumen vitae fluit
Et in omnem terram pluit.

5. O patrone gloriose,

Laus et carmen nostrae prosae,
Te invocantes respice
Laudesque dantes melice.

6. Tu fidelis veri testis,
In terris homo caelestis,
Vita fulgens angelica,
Intrans in regna caelica.

7. Nunc cantico virgineo
In thalamo aethereo
Frueris cum virginibus
Consertus caeli civibus.

8. Ibi nobis haec implora,

Ut nos Christus in hac hora
Salvet et nos vultu suo
Laetificet perpetuo.

9. Sit la.us sanctae trinitati
Atque trinae unitati
Voce et mente sedula
Per cuncta semper saecula.