BONONIEN. 149

monium cum Grozzadina ineundum adstringeret. Imo addidit Antonium die quadam, ob nullius momenti verba, a patre e mensa eiectum fuisse. Itaque non matrimonii contrahendi causa, sed potius aeducationis ergo a patre filium e convivio eiectum fuisse.

Idem commemorat etiam Philippus Brunetti , qui licet testis ab actore inductus, ex conscientia tamen confiteri de- buit: sibi haud constare exhaeredationis minas ac violentias, patrem hac intentione adhibuisse , ut scilicet filium indu- ceret ad matrimonium cum Gozzadina contrahendum. Et rei fastigium imposuit, denegando omnino filium a patre ad hu- iusmodi nuptias inductum fuisse.

Si itaque quaeratur quomodonam contigerit, ut tot ac tam graves minas unico suo filio pater intentaret, hanc Gozza- dinae patronus dat responsionem, nempe quia iste filius plus aequo aleis indulgens, saepius ad contractus foenerato- rios confugere adigebatur. Et hoc deduci nedum ex deposi- tione comitissae Gozzadinae, verum etiam ex testimonio co- mitis Massei, actori addictissimi, asserentis Antonium soli- tum fuisse pecuniam mutuam sumere.

At demum quod minae patris in filium ad matrimonium -cum Gozzadina ineundum nullo modo essent directae, id ple- nissime conficit, ex eo quod quotquot habentur testes qui de his minis et dissidiis patrem inter et filium loquuntur, fer- me omnes addant etiam post initum matrimonium easdem minas, easdem patris in filium exprobrationes audiisse. Hoc sane refert canonicus Bonucci, actoris amicus, eius olim in- stitutor, nunc vero testis ab eo inductus. Hoc ipsum asserit comitissa Malvasia Antonii consubrina. Hoc ipsum tandem Philippus Brunetti pro rei veritate confirmat. Ceterum, ait vinculi defensor , luculentum de spontanea et libera Anto- nii voluntate argumentum ad has nuptias ineundas praebet factum, quod Gozzadina particulatim describit, asserens ipsum in Sabbato Sancto coram genitrice sua locum habuisse.

Age vero, prosequitur vinculi defensor, factum, tot mi- nutis circumstantiis suffultum, merum inventum et periuram