156

P A R I S I E N .

MATRIMONII

Die 15 Iunii 1890. Sess. 24 cap. 1 De reform.

COMPENDIUM FACTI. Die 2 0 Iulii anni 1 8 8 6 in ecclesia s. Vincentii a Paulo, Parisiis, iustas nuptias inibant Pau- lus Gosselin et Dyonisia Millet. Ut nonnulli asserunt, haud spontaneo animi motu ad has nuptias Paulus consensit, sed ut senis ac infirmi patris voluntati deferret. Par ferme erat sponsorum aetas, sed non par ingenium: quoniam vir , ceu unanimiter ferunt, pietati et interiori vitae apprime deditus, quidquid illecebrarum saeculi, luxuum ac mundi Vanitatum sapit, ex corde aversatur; mulier e contra ab his non abhor- ret, imo his indulgere quandoque delectatur.

In his conditionibus sponsi annum et dimidium commu- nem vitam in paternis Dyonisiae aedibus duxerunt, eodem cubiculo ac lecto sunt usi ; quin tamen amore , benevolen- tia mutuoque studio eorum animi unquam calèrent. Narrant imo et iuramento affirmant, se matrimonialibus iuribus nun- quam usos fuisse : et addit vir, id sibi esse imputandum, qui hac illa ve de causa firmo animi consilio ab uxore absti- nendum proposuit, decrevit, idque constanter servavit.

Interim discordia maiores in dies faces virum inter et uxorem inferebat : vir discedendi occasionem quaeritare vi- debatur: imo bis abrupte discessit, nec ad uxorem rediit, nisi prius matris, dein domini Sartiaux opera et interventu. Ad ultimum vero die 1 Maii 1 8 8 9 uxori valedixit, abiit nec am- plius reversus est.

Tunc Dyonisia eiusque parentes civile divortium petie- runt, atque obtinuerunt; et subinde ad SSmum confugerunt rogantes, ut sacramentale coniugium; qua ratum et non con- summatum, benigne dispensantur, SSmus commisit ut Pari- siensi Curiae processus de more conferretur, et ut, eo peracto et ad S. C. transmisso, penes S. G. C. causa tractaretur sub assueto dubio quod in calce huius folii legitur.