160 PARISIEN.

Pariter, inspectionem directe per medicos fuisse factam, non nocere censet patronus. Nam quod inspectio per obste- trices fieri iubeat ur, hoc magis ad modestiam pertinet, quam ad factorum ac veritatis cognitionem: aliunde S. O. C. ex- plorationem per medicos habitam non semel probavit, ceu videre est in alia Parisien, diei 1 Aprilis 1887. (1)

Ideoque peritorum sententiae tute stari posse orator cen- set : eo vel magis quod ea consona sit nedum iudicio Dr. De Lavaur medici familiae Millet, qui ante causae initium Dyonisiae corpus exploravit et professus est, Dyonisiam Gos- selin praeseferre cuncta virginitatis signa; sed maxime quia conformis est sententiae praeclari Dr. Brouardel, qui in sua relatione, civili tribunali in causa divortii insinuata, fidem facit, eandem mulierem defloratam non fuisse.

Cum igitur ex saniori anatomicorum schola receptum sit, virginitatis signa certa esse, nec expertos medicorum oculos fallere posse, et cum exploratum sit, ceu fert notum ada- gium apud Zacchia Quest. med. leg. lib. 4 tit. 2 q. n. 8. quod < ex centenis mulieribus membranam circularem virgi- neam seu hymenem habentibus, vix una defiorata: e converso ex totidem, virginitatis signo carentibus, vix una virgo in- veniri potest; - iam concludit patronus, dubitari haud legi- time posse in themate, Dyonisiam adhuc virginem esse eius- que matrimonium dumtaxat ratum.

Quo, ut prae requisito, dispensationis fundamento posito, deinde ad causas dispensationis proponendas gradum facit orator. Et inter causas primum recenset nimium viri stu- dium ad pietatem ac ad coelibatum : hinc advocatus Pluche mi- ratus est quod matrimonium contraxerit, dum reputaverit quod religiosum statum amplecteretur. Idemque sentiunt et alii; ut D. Sartiaux, Aloysia Vatin, Elisabeth, et Ploque. Imo « sibi in votis esse in posterum vitam coelibem ducere » idem Paulus in iudicio professus est, ceu Archiepiscopus in suis litteris commemorat. Atqui ad meliorem statum eligen- dum rato matrimonio valedicere licet.

(1) Consule Vol. XX, 71.