162 P A R I S I E N .

est possible et que á la rigueur un membre viril de medio- cre volume pourrait y etra introduit sans effraction de T hymen. »

Et quamvis, his non obstantibus, duo medici tradant, ac sustineant virginem integramque se adhuc putare Dyonisiam, et matrimonium non consummatum; nihilominus cum huius- modi eorum iudicium nullo certo motivo innixum videatur, imo contradicere cum possibilitate consummationis a duobus iisdem medicis paulo ante assertae, idcirco minimi faciendum videtur. Quod vel firmius retineri oportet, si consideretur duos medicos hoc suum de virginitate iudicium haud abso- lute proferre, sed quasi oscitanter « Il y a tout lieu de penser » ait Dr. Ferrand; - « Il ne semble pas que cette introduction ait eu lieu > pergit Dr. Bucquoy.

Cui accedit, duos peritos cetera quae, praeter hymenem de virginitate proferri solent iudicia, de quibus fuse loquitur Zacchia in lib. 4 tit. 2 q. 1, considerare et referre omisis- se; solumque hymenem observasse.

Abnorme insuper est, duos viros mulieris corpus inspe- xisse, dum lex et honestas per obstetrices id fieri iuberent. Ac demum, ceteris missis, hoc maxime offendit, quod duo medici una simul mulieris corpus inspexerant; ex quo maxi- ma collusionis possibilitas inducitur, et testimonium medi- corum non duplex, sed unum et quasi ab una eademque persona prolatum videtur; et idcirco etiam cessat prima ac potissima veritaíis detegendae cautio ex duarum distinctarum depositionum collatione promanans.

Quapropter nullum nulliusque valoris ad controversi ma- trimonii inconsummationem probandam defensor renunciat peritorum iudicium. In pari imo in inferiori censu esse quo- que ponendam peritiam medici Brouardel et alterius, qui actricis familiam curat. Nam praeterquam quod eorum exa- men haud iudiciale fuit, insuper eorum relatio informis omni- no est. Ideoque nullum certum physicum argumentum de inconsummatione proferri defensor concludit.

Nec pluris morale aestimandum. Siquidem licet duo spon-