PARISIEN. 163

si ingenio dispares sint, pares tamen maximeque concordes sunt in sui matrimonii dissolutione exoptanda : unde de col- lusione suspecti sunt: quo casu unanime eorum testimonium parvi faciendum esse, docet Sánchez de matr. lib. 2 disp. 45 n. 33 Menochius De arbitr. iudic. lib. 2 c. 2 eas. 103 n. 8 et Schmalzgrueber tit. 15 lib. 4 n. 69. « Confessio enim cum sit in confitentium favorem nihil probat. »

Nec grandi huic defectui supplere septima manus vide- tur; quandoquidem uno alteroque teste excepto, ceteri omnes de intimis sponsorum relationibus nil scivisse, nil tempore suspecto audiisse professi sunt. Una Dionysiae mater est, quae a filia, durante adhuc maritali consortio, didicisse de- ponit : verumtamen cum actricis mater sit, hoc ipso suspe- cta testis est.

Verumtamen dato etiam quod matrimonii inconsummatio plene evinceretur; cum tamen initum sacramentum sine cau- sis a Pontifice resolvi non soleat, nec possit; et cum in themate, iuxta matrimonii vindicem, huiusmodi causae de- sint; idcirco ex hoc uno actricem refici oportere ille conclu- dit. Sane una quae ad hunc effectum proferri potest causa, et ad quam ceterae omnes reducuntur, est sponsorum discor- dia, diversumque ingenium. Inde repetenda inconsummatio, inde dissidia, inde tandem divortium. At vero, ait defensor, haec discordia cessavisset et Dyonisiae indoles sensim cum mariti indole convenisset, si e funesto parentum influxu uxor subducta fuisset, quod vir semel tentavit , et in eo erat ut ad exitum perduceret, nisi iterum Dyonisiae matris opera et ars succurrisset. Ceterum cum dissensus uxoris a viro voluntarius sit, nec ullo gravi motivo suffultus, huic morem non esse gerendum, defensor concludit, sed potius ac- trici indicendum evangelicum D. Pauli praeceptum in 1. ad Corinth. cap. 7 v. 10 seq. expressum, nempe: « Iis qui matrimonio iuncti sunt praecipio non ego , sed Dominus, uxorem a viro suo non discedere: quod si discesserit, manere innuptam aut viro suo reconciliari.... Mulier alligata est. legi quanto tèmpore vir eius vivit. »