LEOPOLIEN. 169

cusabatur de crimine malversationis, defraudationis, peiurii ac culposae decoctionis ; sed convictus fuit tantum de crimine aeris alieni. Hac de causa damnatus fuit ad vincula per 35 dies : sed ope cautionis mille florenorum liberatus fuit e car- ceribus, pendente iudicio, quia fiscus appellaverat ad superio- rem civilem curiam.

Attenta parochi liberatione, censuit Antistes tempus advenisse ut iudicium contra parochum tandem concludere- tur. Reassumptis itaque actis auditus fuit ex officio defen- sor, dein et promotor fiscalis: ac demum ipsemet Archiprae- sul, commissario iudice Vicario generali aliisque circumda- tus, auditis quae hinc inde afferebantur, ad parochi destitu- tionem deveniendum esse decrevit, sub die 16 Septembris 1889 ob crimina quae sequuntur idest : ob neglectam aut malam sacramentorum administrationem in sua paroecia, ob ruinosam beneficii administrationem, ob deviam piarum obla- tionum applicationem, ob inhonestam cum feminis conversa- tionem et concubinatum, ob suspensionis violationem, ob il- licitam missae iterationem quandoque factam, ob decoctio- nem et subsequam parochi infamiam, ac demum ob irreve- rentiam et iniuriosos libellos contra Ordinarium ac maxime contra Vicarium generalem conscriptos. Damnavit etiam ad peragenda, propriis sumptibus in claustro Minorum Conven- tualium, exercitia spiritualia, seu recollectiones per sex heb- domadas; quibus rite peractis a censura suspensionis ab- solveretur.

Parochus ad SSmum, datis litteris, appellavit.

Disceptatio Synoptica DEFENSIO CURIAE. Ceu ex sententiae verbis plane liquet,

in hoc privationis paroeciae iudicio suspensionis decretum, primitus contra parochum irrogatum, saltem implicite ratum habetur et renovatur. Siquidem nedum inter privationis pa- roeciae motiva suspensionis violatio recensetur, sed insuper in parte dispositiva sententiae additur, Stanislaum a suspen- sionis poena relevat um non iri , nisi postquam « exercitia