174. Ad sanctum Domninum.

Ad Vesperas.

1. D omninus, miles strenuus,
Decapitato hodie,
Martyr quia praecipuus,
Stola dotatur gloriae.

2. Sanguine huius militis
Lavemur cunctis vitiis,
Qui passus est suppliciis,
In quibus fuit humilis.

3. Imperatoris pessimi
Maximiani Arii
Erat iste dulcissimus
In cunctis secretis positus.

4. In coronae officio,

Quam praeparabat impio,
Advocavit commilites
Ad fidem Christi humiles.

5. Cum dignis suis sociis
Adhaesit sacrificiis
Affirmando alacriter
Christi fidem velociter.

6. Dum pergit Romam providus,
Misit post eum pessimus
Spiculatores pessimos
Eum sectando plurimos.

7. Suum caput a perfidis
Fuit truncatum gladiis.
Quod suscepit in manibus
Portans illud ulterius.

8. Per se nobis mirifica
Dantur saepe remedia,
Quibus sanamur morsibus
A venenatis canibus.

9. Reddamus Deo gratias
Per martyris reliquias,
Per quae nobis basilicas
Vere sacravit plurimas.