182 COMMENTARIUM

ctis catholicisque Scriptoribus. Ex quo patet, vetus ius ex ea parte abrogasse, qua quibuslibet permittebatur eiusmodi Biblia vernacula edere, dummodo praescriptis adnotationibus commu- nita essent, quin Editores de Episcopi vigilantia solliciti esse deberent; quod in novo Iure non licet.

Ex citatis tamen verbis quaestio oritur : an conditio appo- sita de non edendis Bibliis Vulgaribus sine adnotationibus de- sumptis etc. unas afficiat editiones factas sub vigilantia Episco- porum, aut etiam versiones illas comprehendat, quae approba- tae fuerunt a Romano Pontifice?

Omnibus consideratis, conditionem appositam unas versio- nes sub vigilantia Episcoporum editas comprehendere, satis patere videtur. Manifestum est enim Legislatorem nostrum iis- dem fere verbis rénovasse quae praescripta fuerant in Re- gula IV Tridentina, in citato Decreto S. C. Indicis 1757, in mo- nito eiusdem S. Congregationis lato die VII Ianuarii 1836. At in antiquo iure conditio de apponendis opportunis adnotationibus unas afficiebat Versiones Vulgares non approbatas a Romano Pontifice, ut patet tum ex cit. decreto anni 1757: Quod si hu- iusmodi Bibliorum versiones vulgari lingua fuerint ab aposto- lica Sede approbatae, aut editae cum adnotationibus desumptis ex Sanctis Ecclesiae Patribus, vel ex doctis catholicisque vi- ris, conceduntur; ubi particula, aut plane distinguit versiones approbatas a R. Pontifice ab aliis sine eiusmodi approbatione editis; tum ex Monito eiusdem S. Congregationis, in quo legi- tu r : Vernaculas Bibliorum versiones non esse permittendus, nisi quae fuerint ab Apostolica Sede approbatae aut editae cum adnotationibus desumptis ex Sanctis Ecclesiae Patribus, vel ex doctis catholicisque viris. Cum igitur novus Legislator legem eamdem sine ullo discrimine renovaverit, certum esse debet, conditionem de adnotationibus apponendis unas afficere versiones edendas sub Episcoporum vigilantia, non alias a Ro- mano Pontifice approbatas.

Neque quis opponat, rationem prohibendi Biblia vulgari idio- mate edita fuisse et esse, quia experimento compertum est, quod si passim sine discrimine permittantur, plus inde, ob hominum temeritatem, detrimenti quam utilitatis oriri; ad quod periculum •eliminandum adnotationes opportunae praescribuntur; certum esse autem, eiusmodi periculum integrum manere etiam pro- Bibliis vulgaribus ab Apostolica Sede approbatis, si absque op-