LEOPOLIEN. 183

Denique ceteris missis, aliud indicium de archiepiscopa- lis Curia aemulatione ac praeconcepto contra parochum Sto- jatowski animo, in eo inveniri parochus censet, quod cum post suspensionem suam publice in ecclesia nunciatam, li- centiam peteret discedendi et extra paroeciam aliquandiu morandi, huiusmodi licentia nedum denegata ei fuit, sed re- sidentia iniuncta.

Absit porro haec aliaque , de quibus parochus conque- ritur, ex adverso unice animo a Curia eiusque officialibus esse patrata: ad id enim faciendum iustis de causis moti utique esse potuerunt. Verumtamen negari non potest quod in his adiunctis Curiae vel quorumdam eius officialium ani- mus suspectus parocho videri poterat et ideo merito exce- ptionem declinatoriam fori proponere. « Propter inimicitias enim quas iudex gerit erga reum » exceptionem contra per- sonam iudicis posse proponi ac postulari ut alius ad id mu- neris delegetur, aut sin minus ut superius tribunal de hac exceptione iudicet, ex tit. De excepi, et ex DD. apud Reif- fenstuel ad 4. tit. n. 9 seqq. plane consequitur. Iure enim naturae receptum est neminem ab adversario iudicari debere. Cum itaque Leopoliensis Curia huiusmodi exceptionem spre- verat formam processus violavisse videtur.

Accedit et aliud. Articulus 43 Instr. S. C. E E . et R R . haec iubet: « Si contingat quod clericus, non obstante fori privilegio ob crimina communia subiiciatur processui et iu- dicio laicae potestatis 1. donec iudicium pendeat aut ac- cusatus detentus sit, prudens est, quod Ordinarius sese li- mitet ad media provisoria; 2. expleto tamen iudicio et li- bero reddito accusato, Curia iuxta exitum informationum procedet ad tramitem dispositionum praesentis instructionis.» Quae sanctio iustissima est, ne scilicet sacerdos civilibus causis distentus, modo ac tempore careat sese utiliter in foro ecclesiastico defendendi. At Leopoliensis Curia huic praescripto minime adhaesisse videtur, ceu patet ex facti specie; imo pendente primo instantiae iudicio, inquisitionem in ecclesiastico foro instituit et ad exitum perduxit.