184 LEOPOLIEN.

Imo cum praecedentibus annis, ad accusationes sive de- cani sive aliorum suorum inimicorum subvertendas, parochus Stojatowski non semel petiisset ut de sua agendi ratione formale iudicium institueretur, et tunc temporis numquam fuisset exauditus: sollicitudo ac festinatio archiepiscopalis Curiae ad instituendum et ad exitum perducendum iudicium eo praesertim tempore, quo supersedere nedum canones sed ipsa humilis ac instans rei conventi petitio consulebant, eo gravior videtur. Parochus enim Stojatowski, ceu in specie facti collegi, petierat ecclesiasticum iudicium ad tres vel sex menses prorogari, intra quod tempus suam causam in saeculari foro explendam esse sperabat. Porro exceptio dila- toria iudicii, utpote in iure fundata et aequitati conformis, facili de causa praetermitti forte non poterat.

Praeterea idem parochus, sive verbis, sive litteris coram iudice commissario ipsoque Ordinario saepenumero ad S. Se- dem remitti petierat: potissimum vero contra interloquuto- ria decreta, quibus exceptiones declinatoriae fori et dilatoriae iudicii reiiciebantur, appellaverat et apostolos quaesierat: ac demum in carceribus iam detrusus acto quidem ecclesiasti- co processu, sed nondum lata sententia, ad SSmum confu- gerat.

Porro respectus apostolicae Sedi debitus exigere videba- tur, ut inferior iudex paulum supersederet, ac permitteret ut reus suarum exceptionum causam penes superius tribunal ageret. Siquidem ipsum Tridentinum Concilium in cap. 20, Sess. 24, licet vetus amplissimum appellandi ius paululum coarctaverit, ac praescripserit ut « in causis visitationis et correctionis sive habilitatis et inhabilitatis nec non in crimi- nalibus ante sententiam definitivam ab interloquutoria vel alio quocumque gravamine non appelletur > attamen si- gnanter adiunxit, « nisi gravamen huiusmodi per definitivam sententiam reparari.... non possit. »

Nec regerere iuvat in scandalosi parochi remotione Epi- scopum iuxta idem Tridentinum procedere valere « appella- tione quacumque remota. » Nam ex cap. Pastoralis 53 De