186 LEOPOLIEN.

si in sua nequitia perseverent beneficiis privandi sunt, omni exemptione et appellatione remota.

III. Parochum in themate scandalosam vitam duxisse per plures testes probatum est ; et ideo eius remotionem omnino necessariam censeri.

IV. Ad eiusmodi remotionem satis esse servare formam iudicii in substantialibus iustitiae, quando aliter fieri nequeat; quia bonum animarum id enixe exposcere videtur, ne scan- dala protrahantur.

V. Ex iure constat puniri posse infamatum contumacem qui malitiose se absentat, aut procurat ne citatio ad eum pervenire possit.

VI. Etenim iterata reo indictione pro termino perem- ptorio; quatenus absque probato legitimo impedimento non compareat, pro contumaci habetur, et ferri potest sententia condemnatoria in eum absque litis contestatione.

VII. Quando agitur de parocho turpiter et scandalose vivente, summario modo procedi potest ex Clementina Quia contigit: iudex dicitur, litem quantum poterit faciat brevio- rem exceptiones, appellationes dilatorias et frustratorias re- pellendo.

- = ^ > § < # ^ ^ < = -

SENOGALLIEN.

RETENTIONIS CAPELLANIAE

Die 3 Maii 1890. Per Summaria precum.

COMPENDIUM PACTI. In ecclesia s. Crucis civitatis Seno- galliae capellanía adest de patronatu familiae Mastai-Cigna- ni, cuius reditus, proventus, partim ex rustico, partim ex urbano praedio, conscendere dicitur ad 1284 libellas; a quo tamen, deductis oneribus et expensis, supputatis in libellis 752, purgata summa 500 circiter libellarum in beneficiati usum residua manet.

Huius capellaniae possessionem anno 1856 nactus regu-