194. De sancto Floriano.

Ad Matutinum et Laudes.

1. Laete colant christiani
Festum sancti Floriani,
Prece cuius relaxantur,
Qui peccatis implicantur.

2. Ille ritus paganorum
In conspectu tyrannorum
Testis Christi condemnavit,
Cuius fidem praedicavit.

3. Aquilinus inde dolens,

Vir profanus, Iovem colens,
Nec promissis nec tormentis
Fidem vicit confitentis.

4. Saepe martyr verberatus,
Uncis carnes laceratus,
"Deum" dicens "colo trinum"
Confutavit Aquilinum.

5. Idem facis, Aquiline,

Quod prementes florem spinae ;
Punis, premis sanctum florem,
Reddit pressus flos odorem.

6. Nunc, o martyr Dei care,
Fac dos hostes debellare
Impugnantes fidem Christi,
Quam tenendo non cessisti.

7. Praestet hoc cum patre natus,
Simul utriusque flatus,
Quorum compar est maiestas,
Honor perpes et potestas.