210 COMMENTARIUM

iure ecclesiastico prohibitos habendos acatholicorum libros qui fidei veritates obiter attingunt, neque paragraphis 9-10 libros qui de inhonestis obiter tractant. 3° Atque in hac ipsa paragrapho libros prohibet qui data opem non obiter, ecclesiasticam Hie- rarchiam etc. probris afficiunt. 4° Addendum vix concipi detra- ctiones contra Deum, Virginem, Sanctos etc. nisi ex instituto fiant; obiter enim dicta potius blasphemiis aequipollent. 5° Ipsa loquendi ratio a Legislatore adhibita id innuere videtur; etenim damnat libros, in quibus Deo, Beatae Virgini, Sanctis etc. de- trahitur; porro libri indicantur vel ex obiecto principe vel ex materia quae in libro sit notabilis. 6° Addendum solere legisla, torem in hac ipsa Constitutione mentem explicare suam, cum vult libros indicare ex alio obiecto quod princeps non sit; ex. gr. § 4 : Libri eorumdem auctorum qui de religione non tractant, sed obiter tantum fidei veritates attingunt.

Quod si haec aliquibus solida non videantur, id erit tamen solidissimum, non constare scilicet, an rigoroso vel lato et mi- tiori sensu huius legis praescriptio sit accipienda; in dubio au- tem de legis poenalis sensu, quod minimum esse sequendum universi noverunt; consequenter illi s tandum esse sententiae qua asseritur eiusmodi detractiones contra Deum, Virginem, Sanctos etc. ex instituto fieri debere, non obiter.

Sed 2° eidem improbationis iudicio subiacent ea opera, in quibus inspirationis S. Scripturae conceptus pervenitur aut eius extensio nimis coarctatur.

Inspiratio divina est singularis ea Spiritus Sancti moventis ad scribendum impulsio, directio ac praesentia mentem ani- mumque scriptoris gubernans, quae errare non sinit, efficitque ut scribat quae velit Deus. (Marchini).

Importat igitur positivum influxum Spiritus Sancti, quo ho- mo excitatus et illustratus veritates ipsas vel sensa scribit quae in mente divina versantur, quasque vult Deus hominibus reve- lari et proponi, ut eas vel cognoscant si rationis captum exce- dant, vel firma certitudine, et nullo admixto errore cognoscant, ut Patres Concilii Vaticani definiere sess. III. Cap. II de Reve- latione.

Ipsi Patres Vaticani sententias, quibus inspirationis divinae conceptus pervenitur recensuere, dum eodem Cap. II dixerunt: Qui quidem Veteris et Novi Testamenti libri integri cum omni- bus suis partibus, prout in eiusdem Concilii (T'ridentini) decreto