218. De s. Heinrico Imperatore.

Ad Vesperas.

1. Voce nunc celebri canamus incliti
Laeta praeconia debita gloria
Heinrici Oaesaris, qui signis variis
Clarebat et miraculis.

2. Hic laudabiliter vixit et suaviter,
Nil transitoria curavit gaudia,
Divina coluit, cor purum habuit,
Viam salutis tenuit.

3. Restaurans vetera cum mente libera
Templaque vilia fecit utilia
Per Christi gloriam, divinam gratiam
Meruit hic et patriam.

4. "Post sex" apparuit illi, qui claruit
Multis virtutibus et Christi laudibus;
Quod apparuerat, inscius fuerat,
Post sex annos perceperat.

5. Devotis cordibus et puris mentibus
Huius caelicolae valle miseriae
Precemur veniam, ut nobis gratiam
Impetret laete caelicam.

6. Sit patri gloria, per quem victoria
Datur fidelibus hic patientibus ;
Laus eius filio sit unigenito,
Honor sancto paraclito.