221. De s. Hugone Lincolniensi Ep.

1. Est Hugo de Burgundia.
Excelsa Christi gratia
Sublimatus in Anglia
Pontificatus infula.

2. Humo plasmatus arida
Irroratur aerea
Humiditate, frigida
Ardet natura ignea.

3. Vitae sanetae principiis
Mortis versis mellifluis
Hugonis sine dubio
Est simplex generatio.

4. Gloriam summis hic figens,
Fictam imis reperiens
Carthusiensem ordinum
Subegit mox asperrimum.

5. Aeterna Christi munera
Hugo figens memoria
Leprosis dedit oscula
Et sensit illa dulcia.

6. Odas canunt altissimo
Assumpto ab exsilio
Hugone cives superi
Ad asylum Dei veri.

7. Superna ergo procura
Nobis prece continua
Nunc apud qui te Dominum
Fecit postorem gentium.

8. Tibi patri, Deo vero,
Laus, honor sit et filio
Cum spiritu paraclito
Finem iungens principio.

De sancta Humilitate de Faventia.

1. Hymnum canamus gloriae,
Hymnum novae victoriae
Humilitatis, dominae
Sanctae virtutis munere.

2. In arta cella clauderis,
Annis bis senis tundens
Et post haec de sub modio
Reluces in candelabro.

3. Matrona nobilissima,
Omni virtute praedita,
In monte sancto civitas
Florentiam irradias.

i. Orationis imbribus

Cancrum fugas a renibus
Et labia tumentia
Abhorrens medicamina.

5. Iohannes te praemonuit,
Ut venias Florentiam
Et dominarum civium
Componas monasterium.

6. Signis coruscas maximis
Et validis prodigiis:
Puer decennis moritur,
Sed vivus per te redditur.

7. Dum plangis sacratissima
Dilecti Iesu vulnera,
Pro lacrimis das sanguinem,
Qui totam rigat faciem.

8. Unico pane satias
Famelicas discipulas,
Et multa panis fragmina
Reponit dispensaria.

9. Occulta cordis penetras,
Peccata multa reseras,
Propinquam morti arguens
Eius decessum praevidens.

10. Febri dum ardes valida
Ferens Augusti caumata,
Desiderasti glaciem,
Quam sumens sentis requiem.

11. Qui visitant mausoleum,
Reportant beneficium
Et sanitatis gratiam,
Qui fidem habent optimam.

12. Gloria tibi Domine,

Qui natus es de virgine,
Cum patre et sancto spiritu
Per saeculorum saecula.