223. De sancta Humilitate de Faventia.

1. Laudes excelsas cantent moniales,
Melos flammantes monachi devoti
Festo sacrato piae matris nostrae
Humilitatis.

2. Mundum tu spernis, alta Cherubina,
Volans ad Christum, ardens Seraphina,
Qui te vestivit suo resignatam
Lumine quondam.

3. Cherubim magnus summae ierarchiae
Te sponsam Christi curat et gubernat,
Cum pastoralem curam assumpsisti,
Angelus fortis.

4. Librum componis spiritu dictante
Laudibus plenum virginis Mariae,
Quem si quis legit, gratiam reportat
Precibus tuis.

5. Dies diei verbum eructasti

Haustum de fonte summae trinitatis,

Cum de adventu nostri redemptoris

Causas expandis.

G. Sculptam in corde celte caritatis
Habes Mariani, matrem sponsi tui,
Cuius amore vulnerata clamas:
"Ave, Regina."

7. Multos tractatus scribis, doctrix sancta,
Nesciens librum, idiota sciens,
Candidam tenens umero columbam,
Spiritum sanctum.

8. Pallium texis Christo nascituro
Trini coloris monita beata
Mystice complens virginis Mariae,
Quam dilexisti.

9. Te desponsavit annulo superno
Sanctus Iohannes, aquila caelestis,
Atque largitur dona pretiosa
De paradiso.

10. Cum cibum sumis, tibi demonstrantur
Stigmata Christi vinumque murratum,
Pauperes nudi atque carcerati
Pane carentes.

11. Gloria Deo sit aeterno patri

Et Iesu Christo, sanctae trinitati,
Matri Mariae Iohannique sancto
Evangelistae.