228 FULGINATEN.

nem scripto vel oretenus praebeant; vel potius standum sit consuetudini in casu.

RESOLUTIO. Sacra C. C. re iterum discussa, sub die 12 Iulii 1890, censuit respondere: Servetur consuetudo.

Ex QUIBUS COLLIGES. Consuetudinem antiquam favore ca- nonicorum praevaluisse legi communi, novamque constituisse legem privilegii.

ROMANA

EXECUTIONE RESCRIPTI

Die 10 Maii 1890. Sess. 24 cap. 2 De reform.

COXMPENDIUM FACTI. Ioseph Santarelli Romanus , utpote patronus cuiusdam laicalis capellaniae erectae in ecclesia ss. Stigmatum Urbis, vertente anno 1876 ad eius redemptio- nem egit, ne fiscus, nefaria lege fretus, eiusdem capellaniae bona occuparet. Solvendae erant demanio libellae 649 ; sed cum patronus hanc pecuniam proferre non posset, ipsamet archisodalitas ss. Stigmatum, cuius curae ecclesia est con- credita, id praestitit: sors recuperata est, statimque in ma- nuales schedas publici census italici collocata, et ab ipso pa- trono sodalitati custodiae concredita.

Verum ad indemnem reddendam sodalitatem de praestita 649 libellarum summa eiusque usuris aliisque expensis, pe- titum et obtentum est, ut missarum onera ad concurrentem summam 868 libellarum suspenderentur.- Missarum numerus in fundatione praescriptus 145 est: annuus reditus 185 li- bellas nominatim attingit, sed divitiarum mobilium tributo purgatus ad 160 libellas decrescit: unde in praesentiarum, imo a nonnullis annis, aere alieno ad capellaniae redemptio- nem contracto, ex ipso capellaniae reditu, penitus satisfa- ctum est.

In hoc rerum statu, Ioseph Santarelli supplicibus litteris diei 17 Februarii 1886 a SSmo exorabat, ut schedae publici