WRATISL AVIEN. 237

Verum monomachiae, de quibus quaestio, inter discipulos contingentes, ad haec extrema se porrigere non videntur; nam mortem ex his numquam sequi posse nisi per accidens, et mutilationem, quae est membri alicuius, proprium et dis- tinctum officium habentis, ut ecce oculi aut brachii, abscis- sio, nonnisi extraordinario et rarissime evenire posse fertur. Ceterum quum etiam in his casibus irregularitas non con- trahatur, nisi effectu sequuto, idest eruto oculo, brachio ab- scisso etc., aut morte illata; iam non potest generice quid- quam praestitui, sed in singulis casibus quaestio est diri- menda. Habebitur namque irregularitas ex delicto, quoties mors aut mutilatio contigerit; non habebitur, quoties haec facta deficiant.

Ast poena, quae duelli s semper affixa est, et ex qua pe- culiaris irregularitatis macula ortum habet, esc infamia. Sa- ne Conc. Trid. sess. 24 cap. 19, duellantes eorumque pa- trinos ut perpetuo infames habendos esse declaravit. « Qui vero pugnam, duellum, commiserint, ait, et qui eorum pa- trini vocantur, excommunicationis, ac omnium bonorum suo- rum praescriptionis, ac perpetuae infamiae poenam incur- rant. » Iamvero infames irregulares sunt, et exinde ordines ecclesiasticos suscipere prohibentur. Can. fin. dist. 51; can. Infames caus. 6, 9, 1; Reinffenst. L. V. t. 37, n. 59; Ferrar., v. Infamia n. 12. Et quum agatur de infamia iu- ris, ipso facto admissi delicti contracta, nonnisi auctoritate Principis seu dispensatione pontificia auferri potest. Ferrar. I. c. 22 cum communi.

Quibus positis, considerandum venit num duella, de qui- bus in themate quaeritur, hac lege Tridentina comprehen- dantur. - Porro graves rationes occurrunt, quae sententiam affirmativam suadent. Omnia enim elementa quae DD. ad duellum requirunt, in casu nostro etiam reperiri videntur. « Duellum proprie dictum, seu monomachia est pugna inita inter duos vel plures in pari numero, privata auctoritate, et ex condicto, statuto loco, et tempore, cum periculo occisionis, mu- tilationis vel vulneris. » Ita Ferrar, v. Duellum, n. 1.