MELEVITANA 247

]ii 1845 iterum per 99 annos renovata est; et interim ca- pellae procurator loco habitationis canonem percipiebat.

Anno vero 1875 cum idem procurator domum ab em- phyteusi redimere optaret, mutuum 20, 000 libellarum, prae- vio legitimo permissu, ut ait Episcopus, et obligato totius haereditatis asse, contraxit. Tam ingens pretium solvere necesse fuit propter magna domus melioramenta, quae ulti- mus emphiteuta perfecerat. Interim redemptam domum pro- curator locavit, et ex pretio partem antiquo canoni plus minusve aequiparem sibi vindicavit, reliquum vero in extin- ctionem aeris alieni attribuit. Hinc factum est ut aes alie- num ad 17 millia circiter libellarum hisce annis descen- deret.

Nuperrime autem, vetere administratore defuncto, cum novus, qui eidem successit, in decessoris usu perseverare optaret, domum aliis locando et partem pretii percipiendo; nescitur qua de causa, id sibi non licere putavit , et credi- dit, una simul cum Episcopo quod procurator proprie ius tantum haberet habitationis in dicta domo : hinc supplici libello a S. C. C. petiit, ut sibi indulgeatur facultas per- cipiendi pretium locationis, loco habitationis a fundatore si- bi concessae.

Episcopus preces commendat, ac proponit ut cum loca- tionis pretium 500 circiter libellis aestimetur, 300 circiter in extinctionem aeris alieni cedant, sicut usque modo con- tingit, 200 vero administratori tribuantur; quae proportio a curiae perito iudicata est respondere pretio ad emphiteusis redemptionem mutuato.

Disceptatio Synoptica.

Super his breviter animadversum fuit, quod usuarius quidem de re data uti dumtaxat potest, non autem aliis lo- care; at qui ius habitandi habet, idest legato fruitur, omnem fructum ex partibus habitationi destinatis percipit ex 13 c. De usufructo et aedes potest pro lubitu cuilibet locare, prout expresse cavet § 5 Inst. De us. et habit, et /. 13 sup. cit.