247. De sancto Erliardo.

1. Proles praeclara Scotiae,
Praesul Erharde inclite,
Quem nobis clemens Dominus
A terrae misit finibus.

2. Et cujus probant merita
Per signorum Indicia,
Quae fiunt In debilibus
Et multis aegrotantibus.

3. Hunc locum tui corporis
Valla pacis praesidiis,
Ut nos et monasterium
Sequamur vitae dominum.

4. Patronum te virgineas
Consentiat hic cuneus,
Omnis cum clero populus,
Senes cum junioribus.

5. En Jesum Christum Dominum
Fac tu nobis propitium,
Ut et nos tibi debitum
Persolvamus obsequium.

6. Laus tibi, sancta trinitas,
Vera et una deitas,
Quae In sanctorum meritis
Semper es admirabilis.