A R I M I N E N . 25 É

ciali ecclesia constituit, ex eo quod pius fundator tot missas celebrari iussit, quot huiusmodi agrorum reditus sustinere* valent.

Observat insuper, quod praetensis Episcopi admissis, id quod sibi superest satis haud esse ad sustinendas expensas quae necessariae sunt, ut frumentum e loco Mondaino Ri- minum transferatur, ad solvendam taxam vulgo ricchezza mobile et alterum manomorta dictam; quarum prima ad lib. 100, secunda vero ad lib. 65 assurgit; et alias gravis- simas taxas sive reales sive personales, nec non expensas cultus et illas quae pro Capellano sustentando exiguntur.

Quibus omnibus si addatur, quod omnibus indistincte in- dividuis Parochiae panem die commemorationis mortuorum distribuere et singulis familiis, iuxta cuiuslibet conditionem, candelam praebere debeat; quilibet, ait, mirabitur nec intel- ligere valebit , quomodo Mondaini parochus tot oneribus gravatus et aliis proventibus parochialibus destitutus vivere possit. In hisce angustiis constitutus, haud mirum esse in- quit, quod partem tantum praestationis mensae episcopali debitae persolvere petat : nemo enim ad impossibile tenetur. Imo asserit, quod hac impossibilitate attenta, nedum ab aliis Episcopis canonis diminutionem obtinuit, verum etiam ah ipso Gubernio modo subsidia, modo condonationem debiti impetravit. Qua de re enixis precibus expostulat, ut canon favore mensae Episcopalis constitutus ad 10 saccos frumenti reducatur, et insuper praebendae parochiali subsidium an- nuum ex bonis ecclesiasticis depromendum tribuatur.

QUAE EPISCOPO FAVERE VIDENTUR. E X altera vero parte Episcopus Ariminen. pro viribus sustinet frumenti praesta- tionem in ea mensura, quae ab ipso exigitur a parocho Mondaini persolvendam esse, ex eo quod, a pluribus ah hinc saeculis, ab aliis quoque parochis mensae Episcopali persoluta iugiter fuit, idque dubio procul deduci nedum a Codice Ma- latestiano anno 1379 in lucem edito, verum etiam a cen- suum libello anno 1714 a Card. De Via tunc temporis Ari- minen. Episcopo peracto.