ARMINEN. 253*

quibus anteactis temporibus fruebatur, et Parochum non am- plius teneri summam scut. 40 solvere , quam antecessores pro Ecclesiae restauratione rependere debebant. Hisce tamen non obstantibus subdit Episcopus, non modo Parochi ante- cessores, verum etiam ipse parochus Perazzini integram praestationem favore mensae Episcopalis constitutam absque alia querimonia vel tergiversatione iugiter persolvit.

Relate vero ad condonationem ab Episcopo Battaglini indultam et a Parocho decantatam, ipsam ad rem non facere Episcopus propugnat ; quandoquidem Episcopus Battaglini cum ad Sedem Bononiensem translatus esset praestationis partem condonare censuit, ad evitandas lites, quas contra Parochum reluctantem suscipere debuisset.

Neque aliquid relevare quod praedictus Episcopus Batta- glini ex pecunia ad pias causas bis subventiones parocho Perazzini praebuerit. Idipsum enim se cum illis Parochis peragere solere affirmat , qui ob inopinatos casus subsidio egent. Cum parocho autem Perazzini id peragere renuisset quia probe noscebat ipsum in huiusmodi conditione haud versari, quae subsidio dignum efficeret.

Mox adductis addit, huiusmodi praestationi decimarum nomen tribui non posse, etsi sub tali nomine veniat, sed esse onus, quod omnia praebendae parochialis bona favore mensae episcopalis obligat. Idque evincere studet ex facto, quod Mondaini parochi ab antiquissimis temporibus 15 frumenti saccos mensae iugiter per sol verunt. Hoc in facto constito, Episcopus sic argumentatur. Si frumenti praestatio favore mensae Mondaini parochiae imposita, naturam decimarum indueret, parochi Mondaini cum 40 saccos pro decimis an- nuatim percipiant, duos tantum saccos frumenti mensae rependere debuissent ; quandoquidem exploratum est , quod decimae in dioecesi Ariminen. ad rationem unius pro viginti solvuntur. Atqui Mondaini parochi non duos sed quindecim saccos mensae persolverunt : ergo, concludit, huiusmodi prae- statio decimarum naturam haud induit, sed pro onere acci- pienda est, quod bona omnia parochiae afficit. In tuto autem.