255. De s. Catharina Senensi.

Ad Nocturnas,

1. Laudibus, virgo, nimis efferenda
Iure censeris, quoniam triumphos
Ipsa caelorum probitate mira
Nacta refulges.

2. Praemium sanctae tamen ipsa vitae

Et simul munus probitatis almae
Accipis caelo cumulata cunctis
Denique rebus.

3. Tu gravem, sacris meritis refertum,
Orbis exemplar, pietate plenum,
Praedicatorum venerata patrem
Ordine fulges.

4. Nulla iam rerum placuit voluptas,
Nullus ornatus, nitor, ecce, nullus
Corporis, semper fugiens iniqua
Crimina vitae.

5. Saepius corpus domitans acerbe,
Quam pie flagris cruor hinc et inde
Fluxerat rivis, hominumque demum
Crimina fiebas.

6. Qui per ingentes variosque casus
Orbe terrarum cruciantur omnes,
Quotquot vel curis agitantur ipsi
Undique diris.

7. Suppetent nobis totidem canenda,
Si tuae laudes repetantur omnes,
Tu quidem longe pietate cunctis,
Inclita, praestas.

8. Gratias summas habeamus omnes
Filio magni genitoris almo,
Spiritum sanctum veneremur et sit
Laus tamen una.