264 VENTIMILIEN.

ceteris capitulis, sic etiam in s. Syri collegiata numera- bantur.

Vertente itaque anno 1852 Episcopus Biale, occasionem nactus vacationis trium decimalium praefatorum canonica- tuum, a SSmo petiit et obtinuit, ut duae ex his praebendis supprimerentur, earumque reditus ad duas congruas paroe- ciales pro duabus novis paroeciis in civitate S. Remi, alte- ra nempe ad s. Iosephi , altera s. Mariae Angelorum , eri- gendis inservirent : tertius vero canonicatus conferretur per- petuo iniuncto onere, ut beneficiatus pro tempore penes ec- clesiam S. Stephani, intra fines matricis, qua vicarius cura- tus resideret, praedicaret, cathechesim pueros doceret, infir- mis circumstantis districtus sacramenta ministraret, sacra- mentales confessiones in sua ecclesia audiret, et quoties his aliisque curae muneribus vacaret, qua praesens in choro in sua s. Syri ecclesia haberetur.

Inde ergo ab eo tempore parochialis iurisdictio in civi- tate s. Remi ita mansit divisa: ad septentrionem in summo collium declivio paroecia s. Iosephi: inferius usque ad ma- re, hinc ad occidentem matrix ecclesia s. Syri, illinc ad orientem paroecia s. Mariae Angelorum: medius vero inter has duas districtus s. Stephani, ubi alter ex canonicis deci- malibus vicariam atque adiutricem operam praeposito s. Syri praestaret.

Aliquot post annos evulgata ab Italico Gubernio pseudo lege, quam suppressionis bonorum ecclesiasticorum vocant, commune ceteris collegiatis exitium pati etiam debuit s. Syri ecclesia. Exceptis namque duobus canonicatibus decimalibus, qui perinde ac si curata beneficia habiti sunt, eo quia sup- petias praeposito parocho ferebant, unus, iuxta dicta, in ec- clesia s. Stephani, alter vero in ipsa s. Syri matrice, ceteri universi canonicatus et mansionariae confìscatione damnati sunt. Et hac de causa clerus collegiatae servitio addictus pedetentim decrevit, et canonici, qui vicenarium numerum prius attingebant, nunc 13 esse dicuntur.

Interea autem pluribus illuc pergentibus aut illius coeli