VENTIMILIEN. 267

possit; nimirum nonnisi emergentibus causis expressis in Cap. 3 De Eccl. aedific. »

Age vero, in themate iustam dismembrationis causam defuisse, putat patronus ex hoc uno facile coniici, quod in- ter matricem ecclesiam s. Syri et adiutricem ecclesiam s. Ste- phani distantia 400 metros non superet, et urbanae viae commodissimae ac plateae utramque ecclesiam coniungant, ceu graphicus typus seorsim afferendus, et peritia magistri mu- rarii Bracco punctim demonstrant.

Cui si adiiciatur, in eadem s. Stephani ecclesia a plu- ribus annis rectorem constitutum fuisse, qui adiutricem ope- ram parocho praestet et sacramenta circumstanti populo ad- ministret; si insuper pensetur, fideles in districtu novae pa- roeciae commorantes aegre tulisse dismembrationem, et profes- sos esse, se libentius ad s. Syri accurrere; vel luculentius conse- qui censet orator, nedum necessitatem dismembrationis in the- mate non adstitisse, sed insuper superfluam divisionem fuisse.

Quin appellatio fiat ad auctum fidelium numerum in s. Syri paroecia. Quandoquidem misso in primis quod id in iure iustam dismembrationis causam non subministrat; insu- per maxima aedificiorum pars, quibus illud oppidum auctum est, in regione orientali et in districtu paroeciae s. Mariae Angelorum constructa sunt; dum in parte occidentali et in- tra fines paroeciae s. Syri diversoria, villulas, aedes aedifi- cata sunt, quibus ad apricandum et ad rusticandum commo- dissimum solatium advenis, exteris, et ut plurimum acatho- licis paratur; sed quibus civium et parochianorum numerus revera non augetur. Id sane comprobat attestatio a complu- ribus s. Remi civibus subscripta et ad S. C. C. per archi- presbyterum transmissa.

At nedum causis destitutam, nedum superfluam sed et damnosam eamdem dismembrationem praedicat orator , eo quia matrix ecclesia tum quoad territorium, tum quoad sub- ditorum numerum inferior sit uni alterive loci paroeciae. Quod primam ac praestantiorem civitatis ecclesiam dedecere eique graviter nocere capitulum describit.