268 VENTIMILIEN,

Sed praeterea iuxta patronum ex paroeciae erectione in discrimen ponetur ipsa canonicalis praebenda quam novus paroeciae rector retinet. Siquidem cum ea hucusque a con- fiscatione sarta tectaque manserit, eo quod tamquam bene- ficium curatum in subsidium paroeciae s. Syri renunciata et habita est; in posterum, si in vulgus prodierit, quod iam suboscure mundatur, et si fiscus inaudierit ex elargitione canonici Sghirla manualem reditum 600 libellarum novae s. Stephani paroeciae praesto esse, eidem, ecclesiastica bona semper inhianti, praetextum dabitur suae aviditati satisfa- ciendi et canonicalem praebendam, qua haud amplius curatam nec paroeciae necessariam, occupandi.

Nec satis; nam si canonicalis s. Syri praebenda novae paroeciae s. Stephani unita servetur, prout controversum decretum reapse fert, id absürdi sequetur quod canonicus, uni ecclesiae addictus, alteri qua parochus inserviet et in- terim praesens choro habendus erit; quod quidem abnorme iuxta patronum in ecclesiastica disciplina est.

Si vero separetur, iam in maius discrimen incidendum erit, nempe in moralem certitudinem confiscations canonicatus. Si- quidem canonicatu ab animarum cura separato, nullus erit am- plius obex, sed prona fisco* potestas suae aviditati satisfaciendi et beneficiaria bona usurpandi.

Dum e contra si nil innovetur, si ecclesia s. Stephani subsidiaria s. Syri relinquatur, si canonicus decimatis qua archipresbyteri coadiutor in speciali s. Stephani districtu consideretur, prout hucusque observatum est, omnia nunciata incommoda vitabuntur atque interim animarum curae aeque erit provisum.

His contra decreti substantiam propositis, nonnulla de- inde adiicit orator contra eius formam. Cum enim, ait, pa- roeciae dismembratio species alienationis sit, idcirco « requi- rit omnes solemnitates requisitas in alienatione rerum eccle- siae; alias ex defectu solemnitatum est nulla. » Ita Ferra- ris c. 7i. 7 cum Rota et DD. ibidem. Prima autem ex solemnitatibus ad hoc requisitis est vocatio Rectoris et ei-