VEN'TIMILIEN. 269

tatio aliorum, quorum interest. Ib. et Berardi Diss. 3 cap. 3 t. 1 p. 279. Quapropter in casu nostro antequam paroe- cia dismembraretur vocari oportebat archipresbyterum, ipsum- que s. Syri capitulum, cuius, utpote habituali cura in universa paroecia donati, dismembratio utique intererat.

Quin cum Episcopo dicatur s. Syri capitulum parochiali qualibet iurisdictione carere. Quandoquidem id verum esse poterit quoad actualem animarum curam, quae ab archipres- bytero principaliter et a duobus canonicis decimalibus sub- sidiarie exercetur; minime vero quoad habitualem. Habitua- lis enim cura capitulo inesse semper praesumitur ad tradi- ta per Rotam Decis. 184 n. 24 cor. Olivatio quoties « pa- rochia iuncta est ecclesiae cathedrali aut collegiatae; » prae- sertim si « emolumenta funerum et mortuorum , itemque oblationes et e'eemosynae aliaque huiusmodi non ab uno Ar- chipresbytero percipiuntur, sed ab universo capitulo : et si quando archipresbyter absit, functiones parochiales ac stolae non solent obiri a cappellano aut a quopiam extra capitu- lum sed a decano vel seniore canonico. » Atqui haec omnia in themate favore capituli s. Syri verificantur, ceu comprobat fide dignum documentum a pluribus testibus sub- scriptum et ad acta relatum. Ergo ambigi non potest quo- nrinus habitualis cura capitulo s. Syri competat : et inde etiam sequitur idem capitulum interpellandum de dismem- bratione fuisse. Quod tamen quum hac vice fuerit£omissum, hinc nedum contra substantiam, sed etiam contra iustitiae formam episcopale dismembrationis decretum offendisse pa- tronus concludit.

DEFENSIO EPISCOPI. E X altera parte animadversum fuit quod in dismembratione paroeciae duo casus sunt sedulo dis- tinguendi, divisionis nempe beneficii et territorii : et prior quidem odiosus est, utpote quia veteris beneficii statum lae- dit et honestae substentationis media antiquo parocho mi- nuit; non ita vero alter, ceu eruitur ex Torricelli De union, benef. q. 882 n. 2, ex cap. 33 De praeben, cum S. C. C. die 23 Aug. 1755, apud Pallottini f. 28 n. 33, et Garcia