277

PANORMITANA

MATRIMONII

DU 12 Iulii 1890. Sess. 24 cap . 1 De reform.

COMPENDIUM FACTI. Carola Locasto panormitana, Fran- cisci filia, expleto aetatis suae XVI anno, in monte Peregri- ni rusticabat hospes sororis suae Mariae, uxoris Iosephi di Maio. Huius domum familiae amicus Ioannes Ceraulo fre- quenter invisebat. Amore accensus in suam sponsam petiit Carolinam, quae propter aetatis disparitatem et aspectus pe- tentis formam, minime allicientem, renuit. Post triduum Io- annes a domo Iosephi recessit, sed per epistolas Carolae missas animum eius multiplici arte sibi trahere studebat. Puella devicta quem respuerat amavit ! Quadam die a sua ancilla epistolam Ioannis accepit, qua eam rogabat, ut se- cum breviter colloqueretur in atrio ubi ipse eam expectabat. Carola illico egressa a domo et vix cum per scalas descen- disset a Ioanne rapta fuit, et ad domum quamdam ducta, ubi cum raptore per mensis unius spatium permansit. Hoc cum audisset Franciscus puellae pater, iratus filiam dereli- quit, nec audire patiebatur nomen eius, sed intercedentibus parentibus, placatus filiae suae honori providere curavit , et Ioannem, ut matrimonium coram Ecclesia celebraretur, in- vitabat. Sed raptor nolebat. Verum minis perterritus an- nuit et non in ecclesia parochiali S. Antonii, sed in S. Leo- nardi, forsitan delegatione, matrimonium cum Carola con- traxit. Sequenti die a sua sorore interrogata Carola utrum consummatum fuerit, negative respondit, nesciens in quo actu matrimonium consummetur. Et postquam soror ipsi explicasset actum matrimonialem, sincere manifestavit spon- sum vires suas omnes adhibuisse in toto mense cohabitatio- nis, et in nocte, sequente matrimonii celebrationem, ut ipsa defloraretur, sed frustra ; atque numquam perfectam co- pulam adfuisse. Re pervulgata per parentes, et cum ad au-