281. De sancta Margareta.

1. O caeli aula, luce fulgens aurea,
Regis aeterni splendore praefulgirta,
Rosea fuso sanguine virgineo,
Huius diei ut testantur gaudia,

2. Qua Margareta fidelis ad aethera
Astra conscendit sublimi victoria,
Cuius triumphum laude dignum colimus
Fide devoti, plausu et tripudio.

3. Ictu sub ensis stans, orans alacriter,
Signo salutis sanctam signans animam,
Tacta quievit saeculi fastidio,
Complens agonem funeris compendio.

4. Tandem perempta iuncta est martyribus,
Vitam perennem laureata possidet.
Huius nos prece, Christe, semper protege
Atque beatis iunge caeli civibus,

5. Ubi sanctorum chorus gaudet omnium,
Ubi iustorum semper erit gaudium,
Ubi beatae semper gaudent animae
Cernentes regem in decore fulgentem.

6. Doxa sit patri, doxa eius genito,

Haec sit aequalis doxa sancto pneumati ;
Civibus summis gaudium sit angelis,
Pax sit in mundo Margaretae passio.