286 PANORMITANA

rentes Carolae, sollicitant suum exitum a panormitana ci- vitate statim ac'parentes sponsae ad matrimonium ipsum cogèrent, ut iam egit quando vocatus fuit ad ius. Sed Cu- ria cefaludensis ait in praedicta declarationis scriptura, ni- hil de impotentia demonstrat. Sed illa verba quae expri- munt causam, ob quam puella violata non fuerat « attentis meae salutis conditionibus quibus utor, nullum feci eidem puellae malum, neque facere poteram. » quid innuunt nisi impotentiam? Denique Curia cefaludensis tribuit virginitatis integritatem puellae aliis causis , sed quaenam huiusmodi causae esse possunt? Non potest sententiam iudicis possibili- tati pro certo niti, sed facti realitati.

Quae cum ita sint, ut nullitatem matrimonii in thema- te demonstrent, si adhuc virgo est Carola Locasto, si vir vel est mortuus, vel ne quidem patria eius habebunt spo- lia, nemo enim scit quo ipse moretur, superest ut saltem puellae gratiam largiri dignetur Sanctissimus Pater ad alia vota transeundi dispensando in matrimonio rato et non con- summato, ne periculum fornicationis incurrat. Viginti duos annos habet, cognovit allicientes voluptates, difficilis est ei continentia.

VOTUM CANONISTAE. In primis itaque sciendum est quod Ioannes Baptista Ceraulo, vir nullius Religionis, habita repulsa a parentibus, et ab ipsa Carolina de matrimonio cum eadem con- trahendo, adeo ipsam allicere studuit, ut inopinato domum pa- ternam deserere et secum aufugere ei suaserit non solum, sed et per integrum mensem cum ipsa cohabitaverit, et condor- inierit. Hoc pessimum vitae genus procul dubio diutius per- durasset, nisi instantis nonnulli consanguinei tanto malo remedium adhibere conati fuissent, iratum parentum ipsius animum demulcendo, et legitimum matrimonium eisdem sua- dendo, ad familiae et infelicis Carolinae dedecus aliqualiter reparandum. At hic opus, hic labor! Nam Ioannes Ceraulo utpote atheus, admittens tantum contractum civilem, matri- monium ecclesiasticum absolute respuebat, ita ut nonnisi ob minas, et violentias ipsi illatas, ad hoc ineundum consenserit.